Po kultivohet heroina në Shqipëri?

17 Shtator 2016, 06:41, Aktualitet CNA

Sekretari i Përgjithshëm i Partisë Demokratike, Arben Ristani i ftuar në studion e lajmeve të RTV Ora Neës tha se tashmë Shqipëria ishte e mbjellë e tëra me kanabis nga jugu në veri. Ai thotë se ka informcion që ka nisur të mbillet edhe lënda e parë për heroinën.

?PD nuk është prokuroria. Provat vendosen gjatë procesit ligjor, gjatë hetimit nga organet që e kanë për detyrë ta bëjnë një gjë të tillë. Por PD ka burimet e saj, gjithashtu shfrytëzon burimet e mediave dhe të dhënat që tashmë vijnë nga të 4 anët. Situata është e tillë që ky nuk është si avioni i parë që bëri habinë në fillim, megjithësë për ne nuk ishte habi. Dihet tashmë që droga transportohet nga të gjitha mjetet, me maune, me tonelata, me anije, me avion. Avionë të tillë kanë fluturuar kudo, nga jugu në veri të Shqipërisë duke bërë trasnsportin e drogës. Pasi siç e dimë të gjithë tashmë Shqipëria është e mbjellë nga Konispoli në Vermosh dhe nga Durrësi në Korcë, e tëra me drogë. Madje nga infot që kam ka filluar të mbillet dhe bima që është lënda e parë për heroinën kështu që e keqja në këtë vend nuk ka fund. Do vazhdojë deri sa heqim këtë bandë nga pushteti?, tha Ristani.

Ristani gjithashtu akuzoi Ministrin e Brendshëm Sajmir Tahiri për dekonspirim të hetimeve mbi avionin e rënë dhe tha se Policia e Shtetit ishte bërë njësh me bandat kriminale.

?Çështja është e tillë që i gjithë ky masisvitet i drogës në të gjithë Shqipërinë, është absolutisht i bërë në bashkëpunim me strukturat e policisë së shtetit, pasi janë ata që I kanë mbështetur grupet keqbërëse, që i mbrojnë dhe i ruajnë, dhe i ndihmojnë për ta shitur. Policia është pjesë e gjithë rrejtit të mbjelljes, transportit dhe i çuarjes në fund deri tek maja e parave. Keni parë një fushatë të madhe të policisë së shtetit për rripin e sigurimit. A keni ndjekur ndonjë fushatë sensibilzuese që ka të bëjë me parandalimin e mbjelljes së drogës? Apo një punë parandaluese përsa I përket mbjelljes së hashashit? Të mbjellësh fusha të tilla, që duken dhe nga komunikatat e policisë, do të thotë një punë shumë e madhe, 20 mijë kubikë, 20 mijë gropa që punojnë qindra punëtorë. Është një aktivitet shumë I madh ku janë të përfshirë shumë njerëz dhe nuk ka asnjë lloj shansi apo mundësie të bëhet pa bashkëpunimin e policisë, pa e ditur shefat e policisë se ku bëhet mbjellja. Por informacionet janë se punojnë sëbashku dhe ndajnë paratë sëbashku. Nga kjo përfitojnë bandat e krimit dhe vetë Rama me gjithë Sajmir Tahirin, se pushteti I tyre është I bazuar tek droga?, theksoi Ristani.

Arben Ristani shpjegoi dhe qëndrimin që mban Partia Demokratike përballë këtij dimensioni

?Qasja e PD së pari është denoncimi, i tregojmë njerëzve se çfarë po ndodh, dhe e kemi bërë çdo ditë. Së dyti ndërgjegjësimi, është punuar me partnerët ndërkombëtarë që të ngremë një masë të madhe të revoltës popullore, në mënyrë që vendin të mos e lejojmë të bëhet si Kolumbia?, tha Sekretari i Përgjithshëm i Partisë Demokratike, Arben Ristani. /Citynews.al