Armiqtë e lulit dhe zagarët e Bashës

17 Shtator 2016, 12:27, Aktualitet CNA

Një debat i fortë po zhvillohet në PD, pas rezultatit zhgënjyer të opozitës në Dibër. Zëra kritikë të quajtur ?armiq? të Lulit kanë filluar të flasin hapur duke kërkuar korrigjim.

Zëra të vërtetë në fakt që flasin për gjendjen reale të opozitës dhe askush nuk ka kërkuar largimin e Lulzim Bashës, thjesht kanë drejtuar kritika për gjendjen ku ndodhet PD-ja dhe kanë shkuar më tej duke faktuar edhe defektet konkrete që fillojnë me çorganizmin e organizuar në PD, përplasjet e disa individëve sharlatanë në poste drejtuese, megallomaninë e disa drejtuesve të tjerë, apo paaftësinë dhe dështimin total të disa të tjerëve.

Zërat kritikë në fakt PD-së dhe vetë Bashës i bëjnë mirë. Ai ka nevojë të mësojë dhe dëgjojë të vërtetat, jo vetëm ato që i thonë servilat që e rrethojnë dhe po presin me padurim listat e deputetëve. Basha duhet të dëgjoje dhe reagojë, jo duke i shpallur ?armiq? kritikët por duke rrëmbyer prej tyre pjesën më të vlefshme të vërtetën që i duhet aq shumë.

Nga ana tjetër në rrjetet sociale por edhe në disa takime ka plasur një debat të vjetër të rinj. Debat që erdhi pas rezultatit në Dibër dhe një karikature të Bujar Kapexhiut, vartësit të Henri Çilit në Mapo.

?Kalamaj? të pa disiplinuar, qenushë të rahur ose ndryshe zagarë servila kanë filluar kërcejnë shajnë, kërcënojnë, mbrojnë Bashën, thua se ju iku lideri shpirtëror dhe çfarë po ndodh në PD. Armiqtë e lulit po sulmohen nga zagarët e Bashës.

Mjerane si lëvizje që sdo doja ta besoja kurrë që vjen me urdhër nga Lulzim Basha. Do i quaja veprime të disa zagarëve servila të përdorur nga të tjerë sekretarë perversë dhe të paaftë që shohin se ju rrezikohet kolltuku. Vetëm Lulzim Bashës nuk i rrezikohet për sa kohë është zgjedhur nga baza (proces i paravendosur nga Berisha), por zyrtar dhe i vlefshëm në PD.

Lulin nuk e rrezikojnë dot ?armiqtë?, ndërsa zagarët e dinë vazhdojnë e kafshojë si ata qentë e rrugëve që më pas ikin duke qarë, kur ju fut një shkelm nga pas. Ky do jetë edhe përfundimi i këtyre zagarëve, që në fakt si vlejnë as Bashës dhe as djallit, janë thjesht zagarë që duan të ushqehen në kazane plerash dhe kështu e shohin edhe opozitën.

E duan të shkatërruar, të përçarë dhe pa forcë, që ata të ecin dhe të jenë në poste kyçe, por kjo nuk duhet të vazhdojë më tej. Basha duhet të lexojë dhe bashkëpunojë me ?armiqtë? duke shfrytëzuar kapacitetet, aftësite dhe eksperiencën e tyre, të cilën duhet ta ndërthurë me ekspertë të rinj dhe rifreskim të elitës. Kjo do ishte fitorja e tij e parë, në rast të kundërt do ngelej peng i zagarëve që lehin kot së koti, përfundimi politik më pas dihet, ska nevojë për koment./CityNews