web counter
LEXO PA REKLAMA!

SHKARKO APP

E fundit!

x

Franca kërkon fundin e TTIP-it - marrëveshjes për tregtinë e lirë me SHBA

30 Gusht 2016, 20:39, Aktualitet CNA

Matthias Fekl, sekretari i Shtetit për Tregtinë e Jashtme të Francës bëri të ditur se Franca do t’i kërkojë Komisionit Europian në shtator ndërprerjen e bisedimeve për marrëveshjen e tregtisë së lirë.

Fekl deklaroi atëherë se ndalimi i bisedimeve duket si “varianti më i mundshëm”. Sipas tij arsyeja qëndron në “pozicionin aktual amerikan”. “Europa propozon shumë, dhe përkundër kësaj merr shumë pak”.

Zëvendëskancelari gjerman, Gabriel jep shtysën

Të dielën ishte zëvendëskancelari gjerman dhe ministri i Ekonomisë, Sigmar Gabriel (SPD), i cili u shpreh se bisedimet për TTIP janë “de fakto të dështuara”, kjo sepse “ne natyrisht si europianë nuk mund t’u nënshtrohemi kërkesave amerikane”. Gabriel përmendi qëndrimin e patundur të SHBA-së. “Aty nuk ndryshon asgjë”. Gabriel u kritikua menjëherë nga shoqatat e ekonomisë dhe partneri i koalicionit, CDU. Sipas Michael Froman, zëdhënësi i të ngarkuarit amerikan për Tregtinë e Jashtme, në të vërtetë bisedimet “ecin rregullisht përpara”. Por është në natyrën e bisedimeve ekonomike që nuk miratohet asgjë, pa u rënë në ujdi për çdo gjë, tha ai për “Spiegel Online”./DW





Lajmet e fundit nga