E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

A do e propozojë Ilir Meta, Koço Kokëdhimën për ministër?

23 Gusht 2016, 13:23, Aktualitet CNA

Qeveria Rama pritet të riformatohet në vjeshtën e këtij viti, por duket se i gjithë proçesi do të shoqërohet me një luftë nervash mes Kryeministrit Edi Rama dhe Kryetarit të Kuvendit, Ilir Meta.

Dy drejtuesit e koalicionit qeveritar janë dakordësuar për riformatimin e qeverisë, por duket se propozimet që mund të bëjnë janë një lojë nervash mes tyre apo një tallje me kabinetin qeveritar.

Citynews njoftoi një ditë më parë se Edi Rama mund të përfshijë në kabinet politikanë që njihen si kundërtarë politikë të Ilir Metës, sikundër ky i fundit bëri me emërimin e Ylli Manjanit në postin e ministrit të Drejtësisë.

Por nuk është çudi që edhe Meta t?i kundërpërgjigjet Ramës, duke propozuar bie fjala Koço Kokëdhimën si ministër. Megjithëse Kokëdhima është anëtar i Kryesisë së PS-së, pas humbjes së mandatit të deputetit, ai ndërpreru tërësisht komunikimin me Edi Ramën, madje u kthye në një nga kundërshtarët e tij politikë. Kokëdhima u ofrua shumë me Ilir Metën, duke u shfaqur në pothuajse çdo takim të tij, gjatë kohës që nisën përpjekjet për krijimin e një qeverie teknike.

Kokëdhima paralajmëroi në një nga ditët e fundit rikthimin e fuqishëm në politikë, por pa thënë nëse këtë rikthim do e bënte përmes PS-së apo ndonjë force tjetër politike. Por Kokëdhima e ka të qartë se përsa kohë PS do të ketë si drejtues të saj Edi Ramën dhe Gramoz Ruçin, dera e tij në këtë parti është e mbyllur, çka do të thotë se një alternativë mbetet LSI.

Ndaj rikthimin në politikë, Kokëdhima mund ta ketë menduar përmes kësaj force politike, e cila nuk është çudi ta propozojë për ministër, qoftë edhe duke krijuar një Ministri të re, si ajo e Turizmit dhe për të cilin vetë Kokëdhima ditët e fundit ka shprehur mendimin se turizmi nuk mund të trajtohet përmes një agjensie, sikundër ndodh sot./citynews/