web counter
LEXO PA REKLAMA!

SHKARKO APP

App Store
Google Play

Pas Mediut e Spahiut, Basha takon edhe Agron Dukën/Qeveri teknike, nëse jo nisin protestat

9 Gusht 2016, 13:59, Aktualitet CNA

Pas takimit me kreun republikan Fatmir Mediu dhe atë të AK-së, Kreshnik Spahiu, kreu demokrat Lulzim Basha, vijoi konsultat me kryetarin e PAA-së, Agron Duka.Pas takimit që zgjati rreth 60 minuta, Duka në një prononcim për mediat, tha se mbështet kërkesën për një Qeveri teknike, por edhe me përfshirjen e PS-së. Duke zbardhur detaje nga takimi, kreu i PAA-së tha se është diskutuar idea edhe për nisjen e protestave, nëse kërkesa për Qeveri teknike nuk merret parasysh.

?Duke qënë se ka pakënaqësi në rritje popullore qoftë edhe për shkaqe ekonomike, quke qënë se ka një mosbesim për zgjedhje të lira dhe të ndershme, mendohet që nese nuk shkohet me qeveri teknike atëhere do të jetë e vështirë që vota të jetë e lirë dhe që njerëzit të kenë besim që vota që ata hedhin të shkojë aty ku duhet. Kështu që nese bëhet një qeveri teknike, natyrisht me përfshirjen e të gjithë forcave politike qoftë edhe me PS-në, mendohet dhe kështu është realiteti që ka më tepër mundësi që të ketë zgjedhje të lira e të ndershme?, theksoi Duka

Në vijim ai shtoi se mendonte për arritjen e një marrëveshjeje institucionale me të gjitha partitë politike, përfshi këtu edhe Partinë Socialiste. ?Këtu nuk bëhet fjalë për trafik deputetësh. Nëse jo, atëhere padyshim do të vazhdojnë rrugët normale që mund të bëjë një opozitë siç janë ato mitingjeve, pakënaqësisë popullore. Kjo shkon me të njëjtën kohë edhe me situatën e rëndë ekonomike?, tha Duka.

Duket se Basha po unifikon qëndrimin e të gjitha partive opozitare, përfshi edhe ato janë koalicionit të drejtuar nga PD, me synim krijimin e një fronti sa më të gjerë, kundër Qeverisë Rama. PD e cilëson kusht të patjetërsueshëm Qeverinë teknike, duke e lidhur këtë me procesin e zgjedhjeve dhe garancinë që Kryeministri Edi Rama s?mund të garantojë një proçes të lirë dhe të ndershëm. /citynews/





Lajmet e fundit nga