web counter
LEXO PA REKLAMA!

SHKARKO APP

App Store
Google Play

E fundit!

x

PS sulm ministrave të LSI/Braçe akuza dy Edmondëve të Qeverisë

30 Korrik 2016, 11:37, Aktualitet CNA

Deputetët socialistë nuk ndalen në kritikat dhe akuat e tyre ndaj LSI-së, partisë me të cilën prej 3 vitesh qeverisin vendin në të njëjtin koalicion.

Deputeti i PS-së, Erjon Braçe, nuk ka nguruar që përmes rrjetet sociale të sulmojë dy ministrat e LSI-së, Edmond Panaritin dhe Edmond Haxhinaston.

Me ministrin e Bujqësisë, Panariti, deputeti socialist ka një përplasje të hershme, por së fundmi kritikat dhe akuzat ndaj tij kanë të bëjnë me një vendim të Ministrisë së Bujqësisë për mbylljen e tregjeve të gjësë së gjallë.

Braçe e sheh një veprim të rëndë këtë gjë, teksa i ka bërë thirrje që me urgjencë të ndryshojë qëndrim.

?E para, bllokimi që Ministria e Bujqësisë ka vendosur për gjedhin është legjitim, i duhuri për të shpëtuar nga një dëm kolosal ekonomitë tuaja dhe të fermave më gjerë. E dyta, është tërësisht i pajustifikuar bllokimi i tregtimit të çdo gjëje të gjallë, përfshirë bagëtitë e imta dhe derrin. i kërkoj ministrit të Bujqësisë, drejtorit të Bujqësisë së Lushnjes dhe çdo inspektori, çdo veterineri, të zbatojë me përpikmëri ligjin dhe vendimet e Ministrisë së Bujqësisë, por të hapë tregjet për të imtat dhe derrin e paprekur nga sëmundja që është shkak për bllokimin. Me bllokimin e tregjeve po i shkaktohet një dëm i madh ekonomisë së zonës dhe ekonomive familjare blegtorale?, tha ai.

Po, deputeti socialist, nuk është mjaftuar vetëm me akuzat ndaj njërit ministër! Ai ka hedhur akuza të rënda edhe ndaj Edmond Haxhinastos, për sa i takon koncesionit për mirëmbajtjen e Rrugës së Kombit.

?Ju e dini fare mirë pikëpamjen time për koncesionet në tërësi dhe nuk dua t?i rikthehem atij diskutimi; për një arsye-rrugën e pambaruar dhe tejet të rrezikshme nga Miloti në Morinë. Por, treguesit ekonomik të krahasueshëm të kësaj kontrate, natyrisht që duhen diskutuar hapur, pa fshehur asnjë detaj, patjetër edhe nga pikëpamja ligjore, por edhe nga pikëpamja e barrës për qytetarët. Po lexoj çdo gjë që shkruhet e po dëgjoj çdo gjë që thuhet këto tre ditë, përfshire edhe çfarë thotë Ministria e Transportit. Por dëgjova tani Top Channel që jep detaje të një skandali të madh?, shkruan Braçe. Nga ana tjetër, Braçe ka thënë se është e papranueshme të mos lejohet ankimimi kundër vendimit të komisionit nën Ministrinë e Transportit. ?Tamam atij që i frikësohesha. Në tregues po e po. Por sipas Top Channel edhe në aspektin e moslejimit të ankimit kundër vendimit të komisionit nën Ministrinë e Transportit. Kjo është e pa tolerueshme?, shkruan Braçe. /citynews/





Lajmet e fundit nga