web counter
LEXO PA REKLAMA!

SHKARKO APP

App Store
Google Play

Mero Baze: Vëllai i Obamës ka takuar Fahri Balliun në Tiranë

30 Korrik 2016, 18:35, Aktualitet CNA

 

“Tani nëse duan të deligjitimojnë reformën duhet të gjejnë disa mëkate pikërisht tek këta ndërkombëtarët. Unë po i ndihmoj për disa. Sipas tyre Drejtësinë donte ta kapte SHBA përmes Donald Lu. Ky Donaldi nuk është ndonjë emër i madh në SHBA, por duhet shkuar tek shefi i tij Barak Obama, se ai e ka urdhëruar. Ky i fundit ka dy vëllezër problematikë. Njërin në geto në vendlindjen e tij në Afrikë, dhe tjetrin në SHBA që kërkon të votojë për Trump. Të dy këta e kanë turpëruar Presidentin Obama. Ai që jeton në Geto, duket i pashpresë dhe merr dhe drogë. Shpesh herë shan SHBA dhe nuk ka respekt fare për vëllain President. Është parë të shkojë dhe me femra të bardha dhe me ngjyrë dhe nuk ka integritet moral.” shkruan Baze.

“Ky i SHBA është dhe më keq. Ka jetuar ca kohë dhe në Kinë, ka takuar në Tiranë Fari Balliun, dhe tani mbështet Trump. Tre të këqija të tilla rrallë se i bashkohen një njeriu.

Me vëllezër të tillë, një President si Barak Obama është i padenjë të mbështesë reformën në drejtësi në Shqipëri ndaj nuk duhen votuar ligjet. Ky është goxha arsyetim. Jo ky i Fatmir Xhafajt, se ai i ka në rregull vëllezërit. Por dhe po të mos i kishte, duhet të rikthehej shoku Enver, që të vendoste ligjet e biografisë familjare për ta vlerësuar. Meqë PD e ka në statutin e saj, bografinë, ajo duhet të kërkojë dhe më tej. Për shembull kjo Romana Vlahutin, seç ka një lidhje direkte me Merkelin. Kjo Merkeli ka zemëruar gjermanët se ka ikur me pushime. Si mund të votojmë ne ligjet e reformës për drejtësi, që na i ka rekomanduar një kancelare që nuk pyet as për popullin e vet po ikën me pushime ?” shkruan ndër te tjera gazetari./citynews

 

 





Lajmet e fundit nga