E fundit!

16:31 Politikë

Ndryshime në qeveri/ Ja kush lirohet nga detyra

Qeveria ka njoftuar sot disa vendime të reja. Mes tyre ësh...

Nga Kastriot Myftaraj/ Tespihet e Ilir Kullës në emisionin e Çanit, si provë se Gulen ka organizuar grushtin e shtetit në Turqi

30 Korrik 2016, 16:08, Aktualitet CNA

Ambasadori turk në Tiranë Idajet Bayraktar, të marrë shënim dhe t? i raportojë Presidentit Erdogan një provë shumë të rëndësishme që grushtin e shtetit të 15 korrikut në Turqi e ka organizuar Fetullah Gulen.
Tespihet që mbante në dorë Ilir Kulla në periudhën e fundit të debatit tonë të përjavshëm televiziv sezonin e kaluar në emisionin ?Zonë e Lirë? të Arian Çanit në Tv Klan, ia ka bërë dhuratë Fetullah Gulen.
Nëse ekspertët e shërbimit të fshehtë turk MIT shikojnë pamjet televizive dhe e zmadhojnë pamjen e tespiheve, do te venë re se te çdo kokërr e fildishtë është gdhendur akronimi F.G.
Nëse i shikoni me vëmendje tespihet që kishte Ilir Kulla në emision, ato nuk kishin 40 kokrra qelibari, sa ç? kanë tespihët në përgjithësi.
Tespihet e Kullës ishin tespihe të bëra për një mision të posaçëm, për t? u çuar ushtarakëve në Turqi kumtin e Gulenit se në cilën ditë duhet ta bënin grushtin e shtetit.
Prandaj këto tespihë kishin më shumë kokrra se ato të që përdoren rëndom.
Nëse bëhet një llogari, që nga dita që Ilir Kulla tërhoqi kokrrën e parë të tespiheve, live në emisionin e Çanit, del se kokrra e fundit i binte të ishte tërhequr në 15 korrik, ditën e grushtit të shtetit.
Ilir Kulla mori dy palë tespihë nga Guleni, një si dhuratë për vete, tjetrën ua dërgoi ushtarakëve puçistë në Turqi.
Këtë mënyrë kishte gjetur Guleni për të njoftuar ushtarakët për ditën se kur do të niste grushti i shtetit.
Të nesërmen e ditës kur Ilir Kulla nxorri tespihet në emisionin ?Zonë e Lirë?, ai udhëtoi për në Turqi me dy palët e tespiheve. Në Shqipëri u kthye të pasnesërmen me vetëm një palë tespihe.
Berat Buzhala nuk erdhi rastësisht në emision ditën që Ilir Kulla do të nxirrte tespihet.
Unë dëshmoj se para emisionit i gjeta të dy duke folur kokë më kokë me zë të ulët në kafeterinë e Tv Klanit.
Iliri diçka i shpjegonte duke i treguar tespihet që kishte në dorë, Berati pohonte me kokë.
Sa më panë mua, Iliri i fshehu tespihet, Berati nisi të flasë për Beratin (qytet).
Por në mbrëmjen e 15 korrikut Berati iu bëri thirrje qytetarëve të Kosovës që gjendeshin në Turqi që t? u bashkoheshin puçistëve.
Kjo do të kishte qenë fatale për Erdoganin, prandaj ai ka kërkuar arrestimin e Buzhalës.
Pjesa më e madhe e qytetarëve të Kosovës që gjendeshin atë ditë në Turqi qenë këngëtarë tahllavaje, meshkuj dhe femra.(çdo i treti banor i Kosovës është këngëtar)
Nëse ata do të ishin bashkuar me ushtarakët puçistë, dhe do të këndonin majë tankeve, populli do të ishte bashkuar masivisht me ushtarakët puçistë, duke refuzuar thirrjen e Erdoganit.
Sandër Frangaj duhet ta heqë videon e emisionit nga RTV Klan Youtube sepse kështu ambasada turke do ta marrë falas atë, kur nëse nuk e gjen në Youtube do të paguajë çdo çmim për të.
Unë kam dyshime të arsyeshme serioze se edhe Arian Çani kishte dijeni për këtë konspiracion, sepse kur Iliri nxorri tespihet Çani nuk bëri ritualin e emisionit, duke i thënë që t? i fuste në xhep dhe t? i nxirrte prapë pasi të thoshte ?Ledio të lutem!? dhe Ledioja të nxirrtë tespihet në ekran, të marra paraprakisht.
Kuptohet se kjo gjë u bë që të mos i tregonin Ledios.
Se në fund të fundit çfarë konspiracioni për grusht shteti mund të quhej ai ku do të ishte në dijeni edhe Ledio të Lutem!
Gjithsesi, e sigurt është se atë ditë në studio vetëm unë dhe Dixhei Çerri i ndërkombëtarizuar (por jo për grushtin e shtetit në Turqi)nuk kishim dijeni se çfarë loje me tespihe po luhej.