web counter
LEXO PA REKLAMA!

SHKARKO APP

App Store
Google Play

Video e PD për kanabisin/ Policia: Është xhiruar nga ne, punonjësit që nxorën pamjet përpara drejtësisë

29 Korrik 2016, 11:44, Aktualitet CNA

Pas publikimit të një video nga Partia Demokratike me pamje nga të mbjellat me kanabis nga lugina e lumit të Vlorës, ka ardhur reagimi i Policisë së Shtetit.

Sipas policisë, pamjet e sjella nga PD, janë të filmuara vetë nga Policia e Shtetit në kuadër të luftës kundër kanabisit.

?Policia e Shtetit falënderon subjektin politik që me deklaratat dhe pamjet e shfaqura sot u bën jehonë aksioneve të Policisë së Shtetit dhe luftës së pandërprerë kundër kultivimit të narkotikëve. Pamjet që u transmetuan sot nga PD janë filmuar nga vetë Policia e Shtetit si pjesë e punës intensive për dosjen hetimore përkatëse. Bazuar mbi këto hetime (përfshirë edhe pamjet) u zhvillua aksioni për asgjësimin e këtyre bimëve narkotike dhe vënien para përgjegjësisë ligjore të autorëve të shkeljes së ligjit. ?, thuhet në deklaratën e policisë

Nga ana tjetër, Policia thekson se ka nisur hetimin për punonjësit e policisë që kanë nxjerrë sekretin hetimor.

?Ndërkohë, Policia e Shtetit bën me dije se kanë nisur verifikimet dhe do të vihen përpara përgjegjësisë ligjore e penale të gjithë punonjësit e policisë, të cilët kanë nxjerrë sekretin hetimor, duke ekspozuar detaje të një dosje në hetim?, përfundon deklarata





Lajmet e fundit nga