web counter
LEXO PA REKLAMA!

SHKARKO APP

App Store
Google Play

Gjermano-iraniani që kreu masakrën në Mynih/ “Vafshin në djall të huajt”

23 Korrik 2016, 11:26, Aktualitet CNA

Drejtori i policisë gjermane, Hubertus Andrä, gjatë konferencës për shtyp së pari përshëndeti gjithë kolegët e tij për natën e stërngarkuar, që kishte pasur katër herë më shumë telefonata sesa një ditë normale, shkruan bild.de.

?Agresori qëlloi veten për vdekje në kokë,? tha më tej prokurori  Thomas Steinkraus-Koch , duke shuar dyshimet se ai u vra nga policia. ?18 vjeçari ishte trajtuar për shkak të sëmundjeve psikologjike.?

Arma me të cilën u vranë nëntë civilët e pafajshëm është e tipit Glock, nëntë milimetra, që ishte blerë ilegalisht. Policia vijon hetimet për gjetjen e autorëve nga ku është marrë arma e zjarrit. Ndërsa në çantën e tij janë gjetur 300 plumba.

Gjithë viktimat, mes të cilëve edhe tre shqiptarë, kanë qenë me banim në Munih dhe nuk bëhet fjalë për turistë u tha në konferencën për shtyp nga policia gjermane.

Autori i masakrës quhet David. S. me origjinë gjermano-iraniane dhe që kishte jetuar në Munih. Prej natës së mbrëmshme policia kishte bastisur shtëpinë e tij, duke bllokuar gjithë ndërtesën në lagjen Maxvorstadt.

Hetuesit po kërkojnë motivin se çfarë e shtyu 18 vjeçarin të kryente vrasjet në Qendrën Tregtare Olympia. Deri tani nuk është bërë e ditur nëse ai ka pasur lidhje me organizatat e ekstremit të djathtë ose radikalët muslimanë, ndërsa kishte bërtitur disa herë – “Vafshin në djall të huajt”. /citynews/

 





Lajmet e fundit nga