E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Masakra në Mynih/ Nishani, Rama, Meta e Basha mesazhe ngushëllimi

23 Korrik 2016, 09:48, Aktualitet CNA

Presidenti i Republikës, Bujar Nishani, kryeministri i vendit, Edi Rama, kreu i Parlamentit, Ilir Meta dhe kreu i opozitës Lulzim Basha ka shprehur ngushëllimet e tyre për sulmin e ndodhur dje në Mynih ku dhjetra persona humbën jetën dhe mbetën të plagosur.

Më poshtë, mesazhet e Nishanit, Ramës dhe Bashës

Presidenti Nishani

Presidenti i Republikës, Sh. T. Z. Bujar Nishani nëpërmjet një mesazhi dërguar Presidentit të Republikës Federale të Gjermanisë, Joachim Gauck, shpreh ngushëllimet më të ndjera për familjet e viktimave të pafajshme dhe solidaritetin për popullin gjerman, duke dënuar njëkohësisht me forcë aktet ekstreme dhe kriminale terroriste në Mynih.

?I nderuar Zoti President,

Aktet e djeshme ekstremiste dhe kriminale terroriste në Mynih, ku humbën jetën shumë qytetarë të pafajshëm dhe shumë të tjerë u lënduan, mes të cilëve edhe disa me kombësi shqiptare, më tronditën shumë. Me trishtim të thellë u shpreh ngushëllimet më të ndjera familjarëve dhe të afërmve të viktimave. Të lënduarve u uroj shërim sa më të shpejtë!

I dënoj me forcën më të madhe këto akte të nxitura nga organizata terroriste e që përmes radikalizimit të të rinjve apo njerëzve në dëshpërim, kërkojnë të terrorizojnë qytetarët tanë e të ndjellin frikë e panik në jetën e tyre të përditshme.

Në këto momente tronditjeje dhe dhimbjeje për Gjermaninë, unë dhe populli shqiptar jemi me familjarët e viktimave dhe të lënduarve, me Ju dhe me popullin gjerman.? ? shkruhet në mesazhin e Presidentit Nishani.

Edi Rama

Trishtim i thelle per jetet e humbura ne sulmin barbar te Mynihut mes te cilave edhe jete shqiptaresh! Solidaritet me Gjermanine mike??

Lulzim Basha

?Jam i tronditur nga akti i verbër, çnjerëzor i të premtes në Mynih të Gjermanisë ku mes viktimave të pafajshme që kanë humbur jetën janë tre të rinj shqiptarë. Sabina Sulaj, Armela Segashi dhe Diamant Zabergja humbën jetën nga ky akt barbar. Ngushëllimet më të thella familjeve Sulaj, Segashi dhe Zabergja. Këtë moment të rëndë hidhërimi dhe dhimbje kombëtare jemi me zemër dhe mendje pranë tyre, të bashkuar për ta përballuar dhimbjen e madhe?, shkruan Basha.

Ilir Meta

Ndaj dhimbjen për jetët e humbura ne Mynih. Terrorizmi goditi përsëri. Lufta ndaj së keqes duhet të na bashkojë më shumë. Solidaritet me familjet që humbën të dashurit e tyre. Solidaritet me autoritetet gjermane dhe kancelaren Merkel. Koha të reflektojmë dhe veprojmë si një bashkësi e së mirës ndaj së keqes. Ngushëllimet më të sinqerta familjeve shqiptare që humben të afërmit nga ky akt barbar!?, thuhet në mesazhin e kreu të Parlamentit Ilir Meta.