web counter
LEXO PA REKLAMA!

SHKARKO APP

App Store
Google Play

E fundit!

x

Greqi/ Shkatërrohet rrjeti ndërkombëtar i basteve të paligjshme

22 Korrik 2016, 20:48, Aktualitet CNA

Departamenti kundër krimit të organizuar i policisë greke ka shkatërruar një rrjet që organizonte baste të paligjshme në internet, në një operacion që ka filluar prej ditës së enjte.

Deri në mesditën e së premtes janë arrestuar 125 persona, kryesisht të huaj me prejardhje aziatike, që banojnë në lagjet veriore të Athinës dhe tre greke, ndërsa midis të arrestuarve 18 janë ata që konsiderohen si organizatorët kryesorë.

Policia ka sekuestruar në provën e cilësisë materiale shuma të mëdha parash, dhjetëra  kompjutera si dhe sisteme komunikimi të brendshme, ndërsa operacioni vazhdon.

Bazat kryesore në të cilat vepronte rrjeti ishin disa vila luksoze në një lagje të pasur të kryeqytetit grek.

Edhe katër ditë më parë, policia greke ka arrestuar 44 vetë në një operacion tjetër ndërkombëtar kundër personave që organizuan baste të paligjshme gjatë Kampionatit Europian të Futbollit  në Francë, ndërsa 55  të tjerë janë akuzuar për bashkëpunim në këtë rrjet, raporton TCH.

Në operacionin që u organizua nën  koordinimin e INTERPOL- it, morën pjesë organet e rendit nga tetë vende si Greqia, Vietnami, Kina, Malajzia ,Tajlanda, Singapori ,Italia dhe Holanda.





Lajmet e fundit nga