E fundit!

10:15 Kronika

E rëndë në Kukës/ Efektivi vetëvritet me armë në varrezat e fshatit

Një ngjarje e rëndë ka ndodhur në Morinë të Kukësit. Në v...

Ekskluzive, flasin politikanët/Çfarë presim të ndodhë me Drejtësinë?

22 Korrik 2016, 15:23, Aktualitet CNA

Kuvendi miratoi me konsensusin më të madh të mundshëm reformën në drejtësi, pro së cilës votuan 140 deputetët e parlamentit shqiptar.

Pritet që Kuvendi po me këtë konsensus, ndoshta jo në numër votash, por dakordësi politike, të miratojë javën e ardhshme edhe draftet ligjore që do të bëjnë të mundur implementimin e ndryshimeve kushtetuese dhe ngritjen e institucioneve të drejtësisë.

Pas miratimit të reformës, Citynews kontaktoi me deputetë dhe përfaqësues të Qeverisë në lidhje me atë çka pritet tashmë të ndodhte.

Ajo që i bashkon përfaqësuesit e mazhorancës dhe opozitës është se shpresojnë që reformat ë japë rezultatet e pritshme, sikundër Shqipëria të bëjë një hap të madh përpara në procesin e integrimit europian.

Pavarësisht debateve që shoqëruan gjithë procesin e miratimit të reformës në Kuvend, pas finalizimit të konsensusit dhe votimit 100 % konsensual me votën e ligjvënësve në mazhorancë dhe opozitë, palët duken të kënaqura, madje kërkojnë implementimin e saj, mesazh i ardhur qoftë nga Brukseli ashtu edhe Uashingtoni.

Citynews kontaktoi me zv.Kryeministrin Niko Peleshi, deputetët Ben Blushi, Jorida Tabaku dhe Majlinda Bregu, të cilëve iu drejtoi të njëjtën pyetje: reforma në drejtësi tashmë u miratua, ccfarë pritet të ndodhë?

Niko Peleshi

Reforma në drejtësi për mua është kapërcimi i pragut që ndan Shqipërinë e tranzicionit me Shqipërinë normale.

Kjo Reformë doli me vështirësi nga Parlamenti sepse, në thelb, ishte dorëzim i një sistemi, deri dje thelbësisht në duart e politikës. Por efekti i Reformës praktikisht ka filluar që dje?, tha Peleshi.

Implementimi i plotë i reformës, deri në pranverën e vitit tjetër, do ta vendosë Shqipërinë në listën e shteteve ku sundon ligji.

Kjo Reformë i shtrin efektet edhe në fusha të tjera të zhvillimit ekonomik-shoqëror. Hapja e negociatave për anëtarësim dhe siguria juridike për investitorët janë vetëm 2 nga “efektet anësore” me impakt të drejtpërdrejtë në punësimin dhe mirëqënien e qytetarëve.

Çdo shqiptar ka arsye të jetë sot me shpresëplote për të nesërmen?, shprehet Peleshi.

Tashmë pritet që ndryshimet kushtetuese të pasohen nga miratimi i ligjeve, pjesë e paketës së Reformës në Drejtësi.

Ben Blushi

Reforma në Drejtësi ishte një detyrim i një brezi ndaj brezave te ardhshëm. Miratimi i saj do ishte i pamundur pa ndihmën e komunitetit ndërkombëtar çka dëshmon se klasa politike e ka te pamundur të ndërmarrë reforma te shpejta dhe strategjike ne menyrë autonome.

Zbatimi i reformës ne drejtësi mund te rrisë besimin për një vend të drejtë, ku konkurrenca, aftësia dhe puna rrespektohen.

Shpresoj qe kjo reforme të ketë efekte me te shpejta se ç?pritet për te mbrojtur interesin publik nga të fortët të pasurit dhe të pushtetshmit!?.

Jorida Tabaku

?Sfida e vërtetë e kësaj reforme është zbatimi. Unë shpresoj të kemi një drejtësi më të drejtë e të kemi më në fund hapjen e negociatave.

Sigurisht që negocitat nuk janë qëllim në vetvete, por gjithmonë kam gjykuar se procesi i integrimit ka vlerë dhe për faktin se procesi i përafrimit ligjor na ndihmon pak nga pak me hapa të vogla për të ndryshuar dhe në mendësi

Jam e sigurtë që është shumë larg ideales, por është sigurisht një nga gurët më të rëndësishëm të themelit në shtetbërjen e Shqipërisë.

Dua të shoh më shumë drejtësi për pronarin, për biznesin e vogël, për të pafuqishmin, për kryefamiljarin e ndershëm e për më të dobëtin!?

Majlinda Bregu

?Asgjë nuk do të ndodhë sot as brenda disa muajve. Por prej mbrëmë vendi ka garancinë ligjore dhe monitorimin ndërkombetar për të shkundur sistemin e drejtësisë nga përgjumja, papërgjegjshmëria, korrupsioni, abuzimi.

Për të luftuar kulturën e pandëshkueshmërisë e cila është e gjithëpushtetshme ende në Shqipëri.

Prej dje, shqiptarët kudo në rajon kanë një garanci më të madhe për mbështetje nga SHBA dhe Europa në favor të sigurisë e bashkëjetesës në një rajon ku e ardhmja europiane e Shqipërisë është më e qartë!?. /citynews/