E fundit!

10:46 Aktualitet

Punonjësi humbi jetën/ Karakaçi mesazh ngushëllimi

Ministri i Infrastrukturës dhe Energjisë Enea Karakaçi ka ...

Kur do të divorcohet edhe me letra “cifti” Rama-Meta?

22 Korrik 2016, 14:11, Aktualitet CNA

Që marrëdhëniet mes Kryeministrit Edi Rama dhe Kryetarit të Kuvendit Ilir Meta janë pothuajse të ?ngrira? kjo është evidentuar edhe gjatë javës së fundit, kur dy drejtuesit e koalicionit qeveritare duket se po durojnë njëri-tjetrin thjesht për formalizëm.

Diskutimet, takimet, përplasjet apo debatet mes tyre janë pasqyruar herë pas here, por tashmë është evidente që si Rama ashtu edhe Meta nuk e durojnë më njëri-tjetrin.

Rasti më i fundit publik është ai i ndodhur në sallën e Parlamentit, kur sapo ishte miratuar drafti për reformën në drejtësi, dhe Kryeministri morri fjalën e tij përshëndetëse. Por marrja e fjalës nga Rama u shoqërua me largimin e Ilir Metës nga salla e Parlamentit dhe rikthimin e tij në sallë, sapo Kryeministri përfundoi fjalimin e tij.

Një detaj ky që për shkak edhe të orës së vonë të natës, mund të mos jetë vënë re nga shumica e qytetarëve, por nuk i ka shpëtuar objektivit të kamerave që transmetonin direkt seancën.

Ky duket se është momenti kur marrëdhënies 3 vjeçare bashkëqeverisëse mes Ramës dhe Metës i ka ardhur fundi, megjithëse duhet edhe rreth 10 muaj, që të skadojë marrëveshja e bashkëpunimit dhe bashkëqeverisjes mes dy politikanëve.

Bashkëpunimi tashmë ka përfunduar, pasi në çdo moment si Rama ashtu edhe Meta, mundohen ti vendosin shkopinj njëri-tjetrit. Kjo situatë e krijuar, duket se ka detyruar Kryetarin e Kuvendit, që përmes njerëzve të LSI apo mbështetësve të tij mediatikë, të artikulojë së fundmi tezën se Ilir Meta njihet si politikani që nuk prish marrëveshjet, apo si politikani që i shkon marrëveshjeve deri në fund. Siç duket Meta po parandjen sulmin e befasishëm që mund ti vijë nga Kryeministri Edi Rama apo Partia Socialiste që ta akuzojnë për prishjen e marrëveshjes, koalicionit, ofrimin e LSI-së me opozitën, presionet e vazhdueshme mbi Qeverinë, dhe për rrjedhojë krjimin e një krize që mund të çojë vendin në zgjedhje të parakohshme.

Ilir Meta e di që në një proces zgjedhor, ku votat e partisë që përfaqëson janë majtas, jashtë një koalicioni me PS-në dhe me damkën se ka prishur bashkëqeverisjen me socialistët, pesha e tij në elektoratin e majtë do të tkurret, ndërsa votat mund të shkojnë ose drejt PS-së ose drejt një tjetër partie që mund të përfshihet në koalicion me socialistët.

Për ti paraprirë kësaj situate, teza më shumë e artikulueshme në ditët e fundit është ajo që, Meta nuk prish marrëveshje. Duket se kjo tezë nuk i drejtohet Edi Ramës, i cili më mirë se kushdo tjetër, di raportet që ka me Metën dhe kushtet që i ka vendosur ai për bashkëqeverisjen, por elektoratit të majtë, i cili 3 vite më parë pothuajse i 5 fishoi mandatet e LSI-së, e përfshirë në koalicionin me PS-në.

Në anën tjetër, Edi Rama, duket se ka vendosur t?I prishë qetësinë edhe më shumë Ilir Metës, duke ia arritur deri diku qëllimit. Brenda 10 ditësh, Meta u detyrua dy herë t?I çojë mesazhet publikisht Edi Ramës, njëherë se nuk ka frikë burgun, duke aluduar se fjalët e përhapura lartë e poshtë se reforma në drejtësi do të bëjë të mundur arrestimin e politikanëve, dhe tjetra duke iu drejtuar Ambasadorit amerikan që të mos dëgjonte llafet lartë e poshtë që Ilir Meta bën lojën e dyfishtë.

Në të dyja rastet fjalët që qarkullonin dhe qarkullojnë duket se e kanë burimin tek aleatja kryesore e Ilir Metës në qeverisje, ku në formë presioni apo qoftë edhe për ti prishur qetësinë, në këto ditë të nxehta vere, janë shtuar së tepërmi.

Një ditë më parë, Fatmir Xhafaj nuk nguroi t?ia thoshte në sy Ilir Metës se dashuria i ka mbaruar prej kohësh. Batuta e Xhafajt ishte e qartë dhe pohonte atë çka është thënë e shkruar, se mes PS dhe LSI apo anasjelltas nuk ka më dashuri.

Pak momente më pas Ilir Meta do të shfaqej në sallën e Kuvendit aspak i qetë, pra kishte humbur edhe qetësinë, ndoshta edhe për shoë, apo për ndonjë arsye tjetër që kishte nisur të përhapej me shpejtësi, se forca që ai drejtonte nuk kishte asnjë garanci për 20 votat e saj për miratimin e reformës.

Pra, brenda 24 orëve të fundit, Edi Rama arriti ndoshta qëllimin e tij, për të nxjerrë në sytë e publikut, Ilir Metën jo si politikanin mbi palët, sikundër ai u përpoq për disa ditë të merrte rolin mes PD dhe PS, por si një palë të pozicionuar me një palë tjetër, kundër palës që përfaqësonte Kreu i Qeverisë.

Në këtë drejtim Rama ia doli edhe për shkakun se drafti i miratuar së fundmi në parlament, nuk ishte aim bi të cilin Meta po negocionte me Bashën, por ishte një variant i minutës së fundit të ofruar nga BE dhe SHBA, i pranuar nga Rama dhe që priste vulën edhe të PD-së dhe LSI-së.

Rama-Meta, të cilët u lidhën në një ?martesë politike? 3 vjet më parë, duket se e kanë humbur plotësisht dashurinë dhe e vetmja gjë që mban në këmbë këtë ?martesë? është marrëveshja e 1 Prillit. Hapi i vetëm që ka mbetur, dhe që mund të hidhet qoftë nga Rama ashtu edhe Meta, është zgjidhja e ?martesës? edhe me letra, por duket se për këtë duhet pritur shtatori.

Gushti konsiderohet një muaj i vdekur politikisht, ku secila nga palët ka kohën e mjaftueshme për të bërë llogaritë, qoftë në aspektin e votave në Kuvend, ashtu edhe të kostove politike që do të kenë duke qenë bashkë apo të ndarë. /citynews/