E fundit!

14:17 Politikë

Reforma Territoriale/ Berisha paralajmëron Ramën: Do ngrejmë Shqipërinë në këmbë

Kreu i PD-së Sali Berisha ka folur për shtyrjen e afatit p...

Trump: Mbrojtja e aleatëve të NATO-s, me kushte

21 Korrik 2016, 17:58, Aktualitet CNA

Kandidati republikan në zgjedhjet presidenciale, Donald Trump foli dje për qëndrimin që do të mbajë gjatë presidencës së tij ndaj Aleancës së NATO-s. Zoti Trump tha për gazetën The New York Times, se do të vërë kushte për mbrojtjen e aleatëve të NATO-s ndaj një sulmi të mundshëm, një qëndrim që u kundërshtua menjëherë nga Uashingtoni dhe vende të tjera.

Zoti Trump e vuri në pikëpyetje nenin e Aleancës lidhur me angazhimin për një mbrojtje automatike të anëtarëve të aleancës, duke thënë se fillimisht do të shihte kontributin e tyre në NATO.

Ai i bëri komentet i pyetur nëse do t?i mbronte vendet balltike nga veprimtaritë kërcënuese të Rusisë. Ai tha se nëse Rusia i kërcënonte, ai do të vendoste nëse do t?i ndihmonte apo jo, pasi të vërtetonte nëse i kishin plotësuar angazhimet e tyre.

Zoti Trump shtoi se do t?i detyronte aleatët që të mbulonin koston e mbrojtjes që Shtetet e Bashkuara e kanë përballuar prej dekadash, do të anullonte traktate që i sheh si të pafavorshme dhe do të ripërkufizonte se ç?do të thoshte të jesh partner i Shteteve të Bashkuara. Gazeta e citon zotin Trump të thotë se bota duhet të mësohet me qëndrimin e tij.

Shtëpia e Bardhë, reagoi sot pas komenteve të zotit Trump.

“Më lejoni të jem krejtësisht i qartë për politikën që ka ndjekur presidenti, që është një angazhim i palëkundur ndaj aleancës sonë të NATO-s. Guri i themelit i kësaj aleance, është premtimi që kanë bërë të gjithë anëtarët e saj për një mbrojtje reciproke. Angazhimi i Shteteve të Bashkuara ndaj këtij angazhimi, është i padiskutueshëm”, tha zëdhënësi i Shtëpisë së Bardhë, Josh Earnest.

Zoti Earnest tha se një nga prioritetet e zotit Obama gjatë presidencës së tij ka qenë forcimi i aleancës transatlantike dhe në disa raste edhe zgjerimi.

“NATO-ja pranoi një vend të ri Malin e Zi në takimin e fundit të nivelit të lartë”, tha zoti Earnest.

Ai theksoi se politika se NATO-ja është në qendër të sigurisë kombëtare amerikane është ndjekur nga çdo president amerikan demokrat ose republikan që pas Luftës së Dytë Botërore.

Komentet e zotit Trump binin ndesh edhe me deklaratat e kandidatit të tij për nënpresident Mike Pence dje që foli për një qëndrim përkrah aleatëve. Sekretari i Përgjithshëm i NATO-s, Jens Stoltenberg tha për BuzzFeed News se ?solidariteti mes aleatëve është një vlerë jetike e NATO-s. Kjo është në favor të sigurisë evropiane dhe në favor të sigurisë amerikane. Ne mbrojmë njëri-tjetrin?.

Reagime pati edhe nga presidenti i Estonisë dhe ekspertë të marrëdhënieve ndëratlantike./VOA