web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/ Prapaskena më e thellë ndërkombëtare e konfliktit për reformën në drejtësi, në Shqipëri

21 Korrik 2016, 17:19, Aktualitet CNA

Një qendër shumë e fuqishme globale panatlantikase, në linjën Washington-Londër-Paris-Berlin-Romë po i nxit Lulzim Bashën, Ilir Metën, Sali Berishën që këta t? i rezistojnë presionit të Administratës së Obamës dhe Administratës europiane të Brukselit, për të miratuar draftin e reformës në drejtësi. Kjo qendër shumë e fuqishme globale kërkon t? ia thyejë hundët në mënyrë spektakolare Sorosit në Shqipëri, sepse Soros është sponsori i së ashtuquajturës reformë në drejtësi. E ashtuquajtura reformë në drejtësi është pjesë e agjendës për ta rikthyer Shqipërinë në akronimin RPSSH (Republikë Popullore Socialiste e Shqipërisë), çfarë ishte vendi deri në 1991, por këtë herë si Republika Private Sorosiane e Shqipërisë.

Qendra e fuqishme globale panatlantikase, e sipërpërmendur, arriti një fitore të madhe me Brexit, dhe kërkon të konsolidojë pozitën e saj sunduese me fitoren në zgjedhjet presidenciale amerikane të nëntorit. Kjo qendër e fuqishme globale paatlantikase është shumë e nervozuar nga tradhtia që Administrata e Obamës i bëri grushtit të shtetit të ushtarakëve laikë në Turqi dhe kërkon ta poshtërojë Administratën e Obamës në një vend të vogël të NATO-s si Shqipëria.

Kjo qendër shumë e fuqishme globale panatlantikase e tregoi fuqinë e saj kur ndikoi që vendimi i Komisionit të Venecias për draftin e reformës në drejtësi, të mos ishte ashtu siç i pëlqente Administratës së Obamës dhe Administratës europiane të Brukselit, megjithëse të dy këto forca u përpoqën shumë që të ushtrojnë ndikim në Komisionin e Venecias sa i përket vendim-marrjes për draftin e reformës në drejtësi në Shqipëri.

Është falë inkurajimit të kësaj qendre shumë të fuqishme globale panatlantikase që Basha ka gjetur kurajë të tallet me ambasadorin Lu, Zonjën Nuland, Zonjën Merkel, duke ndryshuar qëndrim gjithmonë pasi ia ka dhënë fjalën atyre. Kjo qendër supreme e fuqisë ndërkombëtare i ka dhënë Bashës garanci se ka mbështetjen e saj absolute që jo vetëm nuk do të ketë pasoja nëse nuk është i dëgjueshëm ndaj Administratës së Obamës dhe Brukselit, por madje do të shpërblehet për këtë gjë. Gjithashtu, kjo qendër panatlantikase i ka zbuluar edhe Metës me fakte të padyshimta se ai do të jetë viktima e parë e reformës në drejtësi duke u arrestuar dhe dënuar me 25 vite burg dhe i ka kërkuar që të mbështesë Bashën në prapaskenë kundër reformës në drejtësi, duke mos e dhënë në asnjë rrethanë votën e LSI-së për miratimin e saj. E njëjta gjë i është bërë e ditur edhe Sali Berishës.

Në të vërtetë, sipas projektit të reformës në drejtësi që ambasadori amerikan Lu kërkon të votohet me çdo kusht, nuk do të kemi reformë në drejtësi, por formësim sorosian të drejtësisë.

Nëse Basha, Meta, Berisha do t? i dorëzohen presionit të Administratës së Obamës, ata rrezikojnë të tërheqin mbi vete zemërimin e kësaj qendre të fuqishme panatlantike./Shkruar ekskluzivisht për citynews.al





Lajmet e fundit nga