Reforma në Drejtësi/ Artan Hoxha tregon çfarë ndodhi sot, në 21 korrik

21 Korrik 2016, 13:28, Aktualitet CNA

Gazetari i kronikës, Artan Hoxha, përmes një postimi në rrjetet sociale ka treguar zhvillimet politike të ditës së sotme, kur pritej të miratohej Reforma në Drejtësi.

Hoxha shkruan se 21 korriku nisi me Metën, i cili kishte trashur tonin, vazhdoi me Ramën që sillet sa andej këtej dhe nuk prononcohet.

?21 korriku nisi me Meten qe e kishte trashur tonin, ngrysur vetullat dhe vrenjtur fytyren, aq sa edhe Fatmir Xhafa i kerkoi qe pas dashurise te mos humbte dhe qetesine. Vazhdoi me Lulin qe akuzonte Ambasaden Amerikane per mashtrim(uuuuaaaauuuu),….
me Ramen qe sillet sa andej ketej e nuk perqendrohet dot as te zhgarravis ndonje kryeveper nga ato te tijat, por shkon i jep ushqimin e breshkave topit te basketbollit dhe ben trepiksha ne koshin e zyres se kryeministrise me breshka…..?, shkruan Hoxha

Më tej, Hoxha shkruan se Meta u shfaq sot nga foltorja e Kuvendit më i pozmosur se në mëngjes dhe pastaj kërcënon se do të japë dorëheqjen. Më tej Hoxha shkruan se më vonë, në mes të Kuvendit u shfaq Saliu natyral i cili i refereohej Saliut dixhital.

?pastaj Meta shfaqet nga foltorja e kuvendit me i pizmosur se ne mengjes, e flet “burash”, pa hic qetesi e dashuri, si te dielen e kaluar ne mesdite, e thote se:”Nuk na duhen deputet patriote(si kerkon deklarata e SHBA), por konsensus patriotik”. Pastaj kercenon se do jape doreheqjen si kryetar kuvendi, e Shqiperine do ta marre lumi, e vendin do e pllakose deshperimi….
pastaj mu ne mes kuvendit shfaqet Rama qe sec i thote me kembe e me duar Gramoz Rucit, po ky i fundit s’leviz hic nga instikami… papritur, pas plot nje jave heshtje vetmohuese(nje zot e di si ka duruar kaq gjate) u shfaq te dera e kuvendit, hic me pak se Saliu natyral, qe i referohej Saliut dixhital, duke bere be e rrufe se Luli eshte deli djale, Rama eshte qen e bir qeni, ndersa Meta burrshtetasi qe na duhet per tia futur te gjatit…? shkruan Hoxha

Në fund, Hoxha ironizon duke u shprehur se kush pret sa të shkojë ora për të parë ndeshjen Kukësi-Austria e Vienës për të shpëtuar nga surretërit e hajdutëve.

?ehhhh kush pret sa te shkoje Ora per te pare ndeshjen e kthimit te Europa League Kukesi-Austria e Vienes,….
e te shpetojme nga surreterit e ketyre hajduteve me cizme qe ankohen se ambasadoret e USA e BE jane te korruptuar dhe duan tu marrin sovranitetin per te vjedhur e vrare qe u ka dhene me vote te ndershme e hic te blere, populli shqiptar.?, përfundon Hoxha