E fundit!

16:31 Politikë

Ndryshime në qeveri/ Ja kush lirohet nga detyra

V E N D I MPËR LIRIM NGA DETYRA Në mbështetje të nenit 1...

Rënia e Qeverisë/Fundi i qetësisë dhe dashurisë Rama-Meta

21 Korrik 2016, 10:46, Aktualitet CNA

Panorama e mbledhjes së sotme në Konferencën e Kryetarëve ndoshta është fundi i raporteve bashkëqeverisëse mes Partisë Socialiste dhe Lëvizjes Socialiste për Integrim. Presioni i ditëve të fundit, acarimi i raporteve mes Kreut të Qeverisë dhe Kryetarit të Kuvendit, bashkuar me presionin e ndërkombëtarëve për të miratuar sot reformën në drejtësi, u shoqërua me humbjen e qetësisë nga përfaqësuesit e PS dhe LSI-së në këtë Konferencë.

Ilir Meta u shfaq tepër i tensionuar në mbledhjen e Konferencës së Kryetarëve, ku u pa qartë se shpërthimi i tij i drejtohej Kryetarit të Komisionit Parlamentar të Posaçëm për Reformën në Drejtësi, Fatmir Xhafaj dhe kreut të Grupit Parlamentar të PS-së, Gramoz Ruçi.

Acarimi i Metës në tonet e zërit dhe kërkesat e llogarisë nuk u mirëprit nga Xhafaj, i cili lëshoi sinjalin e parë publik se dashuria e Ilir Metës për PS ka përfunduar me kohë, por tani ka humbur edhe qetësia.

Ky ishte vetëm fillimi i heqjes së dorezave mes palëve, pasi Erjon Braçe, në formë ultimative, ndoshta edhe në një gjendje emocionale, deklaroi se nëse LSI do vazhdojë të jetë në koalicion me PS, ai do të dilte në opozitë.

Në anën tjtër ministri i Drejtësisë, Ylli Manjani, akuzoi Fatmir Xhafën si gënjeshtar, ndërsa në qëndrimin e tij, konfirmon deklarimet e PD-së në lidhje me prishjen e konsensusit në mbledhjen e negociatorëve.

Të gjitha akuzat e ndërsjellëta dhe për më tepër pranimi publikisht i përfundimit të një marrëdhënieje të qetë, qoftë edhe formalisht, mes dy partive kryesore të koalicionit qeveritar, ndodhën në një hark kohor prej jo më shumë se 2 orësh.

Të gjitha këto tregojnë se Qeveria Rama ëhstë drejt rënies, pavarësisht nëse kjo mund të vijë nga një tërheqje e LSI-së apo një kërkesë e Kryeministrit për të larguar aleatin e tij kryesor në qeverisje.

Kjo s?ka lidhje as me fatin e reformës në drejtësi, pasi tensionet mes palëve ashtu sikundër edhe u shfaqën në Konferencën e Kryetarëve, janë në pikën kulmore, ku si PS ashtu edhe LSI nuk mund të durojnë më njëri-tjetrin.

Skenarët janë paralajmëruar më parë nga Citynews dhe ato mund të bazohen ose në nenin 104 të Kushtetutës ose në atë 105 të saj. Tashmë, problemi është nëse zgjedhjet e ardhshme parlamentare do të kalojnë përmes një Qeveri teknike, sikundër është propozuar nga PD dhe mbështetur nga Ilir Meta, apo Rama do të sigurojë 71 votat për të rrëzuar Qeverinë e tij dhe për të kaluar automatikisht vendin në zgjedhje të parakohshme. /Citynews/