web counter
LEXO PA REKLAMA!

SHKARKO APP

App Store
Google Play

E fundit!

x

Batuta e Ramës/Nuk e pranoj të mbyllem përjetë në një dhomë me Bashën dhe Saliu të mbetet jashtë

15 Korrik 2016, 17:23, Aktualitet CNA

Kryeministri Edi Rama i është përgjigjur me një batutë deklaratës së Ambaadorit amerikan në Tiranë Donald Lu, sipas të cilit Kreu i Qeverisë dhe ai i opozitës duhet të gjejnë konsensusin ose të mbyllen në një dhomë përjetë.

?Së pari unë ia kam bërë ftesën Lulzim Bashës, duke i kërkuar që të takohemi sy më sy, si dy shqiptarë që sot janë kryetarë partish dhe kanë në dorë një gjë shumë të rëndësishme, ndërsa nesër do të jemi si gjithë të tjerët. Ftesa është e hapur dhe qëndron.

Sot unë kam përsëritur propozimin tim dhe nuk kam thënë që ne i braktisim negociatat, siç tha ambasadori, i cili shtoi se ishte lodhur nga e gjithë kjo punë dhe pa faj, por kam thënë se nuk rrimë më në negociata absurde me një propozim në tavolinë, që Shtetet e Bashkuara kanë thënë se nuk e pranojnë. Por nëse ka një propozim që është i pranueshëm për SHBA-BE, për ne nuk ka asnjë problem.

Ne do të pranojmë dhe do të miratojmë ekzaktësisht siç e kërkon PD-ja, por nuk negociojmë dot një propozim që SHBA-BE thotë se nuk bën. Ai thotë që e kam në tavolinë. Tani ta vëmë këtë propozim në tavolinë dhe të mbyllemi përjetë me Lul Bashën në një dhomë?

Nuk e di çfarë del ditën që do të dalim të marrim ajër, por konsensus nuk ka për të dalë. Edhe ajo fjala përjetë e ambasadorit duhet marrë me rezerva, sepse ai flet shqip por mendon anglisht.

Megjithatë, edhe sikur të ishte një kërkesë e SHBA-ve, këtë nuk e pranoj dot që të mbyllem përjetë me Bashën në një dhomë. Nuk e di çfarë do të ishte…

Pastaj të mbash Bashën përjetë brenda dhe të lësh Saliun jashtë, çfarë konsensusi mund të bësh? Të paktën ai duhet të hyjë e të dalë, sepse duhet të merret vesh me Saliun?, tha Rama./citynews/





Lajmet e fundit nga