web counter
LEXO PA REKLAMA!

SHKARKO APP

App Store
Google Play

E fundit!

x

Edhe Gjermania drejton gishtin nga Basha/Rachel: PD po refuzon reformën. "Ok" miratimit me shumicë votash

15 Korrik 2016, 16:11, Aktualitet CNA

Jo vetëm SHBA-të, por edhe Gjermania ka mbajtur një qëndrim të ashpër ndaj Partisë Demokratike,  duke e kritikuar si penguese të reformës në drejtësi. Drejtori për Europën Juglinore në Ministrinë e Jashtme, Erst Rachel, ka deklaruar se ata po gjejnë pretekste për të mos miratuar reformën, me arsyetime konfuze.

?Në skenën e komunitetit ndërkombëtar pas disa muajsh loje politike mbizotëron një frustacion.  Sa herë që opozita bën kërkesë dhe kjo kërkesë refuzohet atëherë na bie ndërmend një kërkesë tjetër dhe gjendet një pretekst për të refuzuar reformën.

Me këtë përvojë që kemi na lind pyetja nëse opozita nuk e do reformën për arsye të ndryshme. Unë nuk i di arsyet e opozitës dhe nuk dua të spekuloj. Ju e njihni situatën dhe besoj si unë jeni konfuz me qëndrimin në vazhdimësi të opozitës?, tha Rachel.

Njëlloj si Ambasadori Lu, edhe zyrtari gjerman, tha se nëse reforma nuk kalon me konsensus, atëherë do të mbështetej miratimi me shumicë votash.

?Nëse nuk arrihet konsensusi do ishim edhe për miratimin me shumicë të votave?, tha ai.

Rachel e cilësoi situatën e drejtësisë si të rëndë, për të mbrojtur fort rolin e ndërkombëtarëve në proçesin e skanimit të gjyqtarëve.

Lidhur me mundësinë e përfshirjes së tyre në proçesin e Vetingut jo me Kushtetutë, por me ligj, Rachel theksoi ?nëse pjesmarrja e ndërkombëtarëve në proçesin e vettingut rregullohet me Kushtetutë nuk mund të flasim më vonë për një pjesmarrje antikushtetuese?. /citynews/





Lajmet e fundit nga