E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Kontrabanda/Sa mungon në tatime dhe dogana nga nafta që hyn nga Maqedonia?

14 Korrik 2016, 10:56, Aktualitet CNA

Rreth 60 mijë litra naftë në muaj rezultojnë se hyjnë kontrabandë nga tre pika të kalimit kufitar me Maqedoninë, ose mesatarisht rreth 2 mijë litra në ditë. Kjo sasi karburanti që kryesisht tregtohet në qarkun e Korçës, as nuk taksohet dhe as nuk zhdoganohet.

Kjo për faktin se ajo sillet nga automjetet që pothuajse çdo ditë, shkojnë në Maqedoni dhe veç serbatorit të automjetit, mbushin edhe serbatorin rezervë dhe dy-tre bidona 30-35 litërsh, duke kaluar pikën e kalimit kufitar ose me një pagesë nën dorë, ose thjesht për përdorim vetjak.

Cityneës ka vëzhguar problematikën, nga ku ka reultuar se kjo sasi nafte që hyn në mënyrë kontrabandë, pra pa paguar taksat, shitet.

Nga të dhënat e siguruara kjo sasi që hyn në treg përmes tregtarëve të vegjël dhe që shitet është pothuajse sa sasia që sheshin 2 apo 3 karburante në qytetet e vogla të vendit.

Çmimi me të cilën nafta blihet në Maqedoni është 90 apo 95 lekë për litër, ndërsa në Shqipëri çmimi variaon 140-145 lekë për litër.

Pra diferenca e çmimeve është 50 lekë për litër. Por karburantet apo kompanitë që tregtojnë naftën janë të detyruar të paguajnë deri në 100 lekë taksa për litër, çka do të thotë se çmimi i lartë i tregtmit të karburanteve në Shqipëri ka lidhje me nivelin e lartë të taksës.

Ndërkohë që nafta që hyn nga Maqedonia tregtohet me një cmim 10 apo 15 lekë më pas se ajo që shitet në karburante, kjo për shkak se tregtarët, në këtë rast ambulantë, që sjellin këtë sasi nafte nuk pagujnë asnjë taksë.

Kjo është një mënyrë që ato kanë zgjedhur për të siguruar jetën, në kushtet e një varfërie që ka zaptuar vendin, por në anën tjetër një fenomen i tillë dëmton drejtpërsëdrejti pikat e liçensuara të karburanteve, të cilat paguajnë taksa, punësojnë njerëz dhe përpiqen të ushtrojnë një aktivitet të ligjshën.

Por ndërkohë një tjetër problem është ai mbi cilësinë e naftës që vjen nga Maqedonia pasi askush nuk e kontrollon atë, sikundër askush nuk e di nëse ajo hollohet apo përzihet me elementë të tjerë. /citynews/