E fundit!

22:33 Kronika

Përplasen dy automjete në zonën e "Xhamllikut" në Tiranë/ Policia në vendngjarje

Një aksident rrugor ka ndodhur mbrëmjen e sotme në rrugën ...

Përplasje në bazën e PS/ Socialistët kundër Kokëdhimës dhe Shehut, ndërhyn sekretarja e Koços

12 Korrik 2016, 11:59, Aktualitet CNA

Deputetja e Partisë Socialiste, Mira Shehu, doli sot në mbështetje të deputetit Koço Kokëdhima në lidhje me reformimin e Partisë Socialiste në jug të vendit. Përmes një postimi në rrjetet sociale, ajo theksoi faktin se ndryshimi pranohet me vështirësi nga politika tradicionale, por kthim prapa nuk ka për sa kohë ndryshimin e kërkojnë koha dhe njerëzit.

Ky postim i deputetes socialiste ka ngjallur një reagim të fortë të socialistëve të bazës në zonën e jugut. Dy nga kryetarët e FRESSH në këto zona kanë kritikuar ashpër mënyrën se si po drejtohet kjo forcë politike në jug të vendit.

Njëri prej tyre, Renato Bega shkruan se reforma e ndërmarrë nga Kokëdhima, e mbështetur nga deputetja Mira Shehu, ka krijuar shkallën më të lartë të përçarjes të Partisë Socialiste në Vlorë.

?Mira ju jeni aty si perfaqeusese e klases se vjeter, mos valle e pranoni qe nuk jeni ne vendin e duhur???Te pakten juve u takonte te trajtonit me me respekt gjithe te rinjte e te rejat qe kane mbledhur vota ne vitet e veshtira te opozites. Kurse per sa i perket se ashtuquajtures reforme te sukseshme apo “prurjeve te reja”, e dime te gjithe ne Vlore. Prandaj Ps-ja ne Vlore eshte ne shkallen me te larte te percarjes te perjashtimit dhe te zemerimit, ndoshta e qellimshme. Mire eshte mos ta bejme si struci, te fshehim koken ne rere. Gezuar!?, shkruan Bega

Një tjetër prej krytarëve të FRESSH në qarkun e Vlorës, Klajdi Myzaferaj ka komentuar në statusin e Mira Shehut se reformimi është I nevojshëm, por sipas tij janë promovuar persona pa identitet në PS, të cilët kanë marrë 2, 3 apo më shumë funksione në parti, në një kohë kur u përdor parimi ?një person, një funksion?. Ai ngre akuza të rënda ndaj Kokëdhimës për përjashtimin e të rinjve dhe personave të cilët kanë dhënë kontribut edhe në kohën kur PS ishte në opozitë, për të vendosur njerëz anonimë.

?Natyrisht, qe reformimi eshte gjithmone i nevojshem, per sa kohe qe shoqeria dhe gjithe aktoret e tjere shoqerore, duke perfshire ketu dhe partite politike, kane nevoje per reforma. Kjo, gjithmone do te funksionoje kur reformat ndertohen mbi parime dhe standarte gjitheperfshirese dhe jo perjashtuese, ashtu si u ndertua kjo reforme qe ju e quani “madheshtore”. Ne emer te kesaj reforme u perdor parimi “nje person, nje funksion”, kur ne realitet nuk funksionoj ashtu, por u promovuan njerez pa identitet, duke u dhene njeheresh nga 2, 3 apo 5 funksione njeheresh ne parti.
Nderkohe, qe u neperkemben e u perjashtuan shume te rinj, por jo vetem, qe kane treguar vlera morale, kulturore e sociale dhe madje kane sakrifikuar ne vitet e veshtira te opozitarizmit. Ne vend te tyre ju preferuat njerez anonime, qe e njohen PS vetem ne pushtet. Dmth vetem per ti vjele frytet. Dhe ky eshte TURP?, shkruan ai

Pas këtyre reagimeve kritike, në skenë futet sekretarja e Kokëdhimës, Nertila Selimaj. Ajo i ka dalë në mbrojtje deputetes Mira Shehu dhe duket se kërkon të zbusë disi situatën e nxehtë të akuzave ndaj Kokëdhimës dhe Shehut. Sipas saj, nëse ka pakënaqësira apo dëshirë për të debatuar, duhet bërë në forumet e partisë dhe jo në publik. Ajo thekson se kritikat e deputetes Mira Shehu janë në kuadër të përmirësimit.

?Nese kemi pakenaqesira apo thjesht deshire te debatojme ka forume partie ku mund te ulemi. Dhe nqs ato forume na duken jo funksionale, ok le te krijojme rrethanat per te ndertuar te reja apo per te modifikuar ato ekzistueset. Te pakten ne dite festash ti leme urimet te shprehen ne cfaredo lloj ngjyre qe duam…sidomos kur ato synojne permiresim?, shrkuan ajo