E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Ilir Beqaj, një nga ministrat që rrezikon postin/Mjekë të QSUT, gati raportin konfidencial për Ramën mbi gjendjen në spitale

12 Korrik 2016, 11:36, Aktualitet CNA

Ministri i Shëndetësisë Ilir Beqaj është një nga anëtarët e Qeverisë që mund ti duhet të lërë postin e tij në rast të një formatimi të kabinetit.

Kjo jo vetëm për shkak të dështimeve të tij si ministër përgjatë 3 viteve që ka drejtuar sektorin publik të shëndetësisë apo akuzave mbi konccensionet, të cilat sot janë duke u hetuar nga Prokuroria, por edhe për faktin se Beqaj nuk gëzon mbështetjen e personelit mjekësor, përfshi këtu edhe mjekëve që u angazhuan në hartimin e programit të PS-së për shëndetësinë.

Burime nga QSUT-ja, qendra më e madhe shëndetësore në vend, bëjnë të ditur për Cityneës se një grup mjekësh kanë hartuar një raport, që pritet t?I vihet në dispoicion Kryeministrit Edi Rama mbi gjendjen në këtë spital dhe dështimin e politikave shëndetësore nga dikasteri që drejtohet nga Beqja. Raporti është hartuar nga mjekë të njohur, të cilët kanë dhënë kontribute në hartimin e programit shëndetësor në PS apo njihen për lidhjet e tyre me parti të mazhorancës.

Sipas të dhënave, mësohet se në raport përfshihen mungesa e investimeve, mungesa e medikamenteve, pajisjeve shëndetësore etj, ndërsa ka një vlerësim për stafet mjekësore, të cilat konsiderohen në lartësinë maksimale kundrejt kushteve në të cilat punojnë. Raporti në fjalë, mësohet se përmban të dhëna reale, bashkëshoqëruar me foto në lidhje me gjendjen në qendrat spitalore, ndërsa mjekët e QSUT-së knë mbledhur të dhëna edhe nga kolegët e tyre në rrethe.

Ndërkohë në rrjetet sociale raportohet pothuajse ccdo ditë të dhëna mbi shëndetësinë, mungesën e medikamenteve, vonesat në shërbimin e urgjencës, mungesën e kushteve në spitale, që nisin nga ato më minimalet që kanë të bëjnë me higjenën.

Ministri Beqaj prej disa kohësh ndodhet nën akuzat jo vetëm politike të opozitës, por edhe abuzimet me konccensionet. Kritika ndaj tij janë bërë edhe nga deputetë të LSI-së, që në jo pak raste kanë kundërshtuar politikat e paraqitura nga Beqaj. Kështu LSI, aleati kryesor i PS-së në qeverisjen e vendit, ka kundërshtuar reformën e ndërmarrë nga Beqaj mbi personelin mjekësor në disa nga spitalet në vend, vendimin për prishjen e Urgjencës së Tiranës, konccensionet në fushën e shëndetësisë, madje edhe deri në testimin e mjekëve, që përbënte një nga përplasjet më të forta të ministrit të Shëndetësisë me bluzat e bardha. /citynews/