web counter
LEXO PA REKLAMA!

SHKARKO APP

App Store
Google Play

E fundit!

x

Largimi nga PS dhe e ardhmja/Deputeti Kosta mes lëvizjes Blushi dhe LSI?

12 Korrik 2016, 07:04, Aktualitet CNA

Deputeti socialist i Qarkut të Gjirokastrës, Vladimir Kosta, përmes një letre të hapur, bënte të ditur vendimin për largimin nga Grupi Parlamentar socialist, ndërsa rendiste një sërë akuzash në drejtim të Kryeministrit Edi Rama.

Por cila është e ardhmja politike e ligjvënësit socialist të Qarkut të Gjirokastrës?

Deputeti Kosta mund të qëndrojë deri në përfundimin e legjislaturës parlamentare si deputet i pavarur, duke shtuar në këtë mënyrë numrin e ligjvënësve, të cilët nuk bëjnë pjesë në asnjë grupim politik.

Por burime nga mazhoranca shprehen se  deputeti Kosta mund t?i bashkohet LSI-së, partisë së drejtuar nga Ilir Meta, i cili duket se ka nisur një strategji për të thithur në subjektin që drejton çdokënd që ka një pakënaqësi apo konflikt me Edi Ramën. Nëse Kosta do të bashkohet me LSI-në, atëherë bashkë me kolegun e tij Vangjel Tavo, mund të krijojnë jo pak probleme në Qarkun e Gjirokastrës, për Partinë Socialiste.

Por një tjetër mundësi është që deputeti Kosta ti bashkohet lëvizjes së nisur nga Ben Blushi, ku gjithashtu bën pjesë edhe Mimoza Hafizi, por që të dy deputetët nuk përfaqësohen me ndonjë grupim parlamentar në Kuvendin e sotshëm.

Me largimin e deputetit Vladimir Kosta nga Grupi Parlamentar socialist, numri i deputetëve që Rama ka parlament është 59, ndërsa 6 deputetë socialistë janë shkëputur nga ky grup parlamentar apo janë përjashtuar.

Me largimin e deputetit Kosta nga Partia Socialiste dhe akuzat që ai drejton ndaj Edi Ramës, Kryeministri pëson goditjen e dytë brenda pak ditësh, pas lëvizjes së nisur nga Koço Kokëdhima, i cili duket se do të ketë një ndarje përfundimtare edhe me Partinë Socialiste, për t?iu bashkuar LSI. /citynews/





Lajmet e fundit nga