web counter
LEXO PA REKLAMA!

SHKARKO APP

App Store
Google Play

E fundit!

x

Itali/ Shqiptari merr peng ish-të dashurën rumune

11 Korrik 2016, 20:47, Aktualitet CNA

Rrëmben ish-të dashurën e tij duke kërcënuar për të kryer vetëvrasje.

Bëhet fjalë për një 27 vjeçar shqiptar, i cili nuk ka pranuar ndarjen nga e dashura rumune, duke ndërmarrë aktin që i shkaktoi arrestimin.

I riu shqiptar ishte në një lidhje dashurie prej disa muajsh me një rumune 30 vjeçare, e divorcuar dhe me fëmijë.

Mediat italiane shkruajnë se punëtori shqiptar kishte nisur lidhjen në muajin maj por ajo nuk ka zgjatur shumë. Rumunja ka vendosur të largohej për në Padova ku kishte jetuar më herët dhe ku kishte edhe një djalë.

Mediat italiane shkruajnë se shqiptari pas rënies në dashuri, ishte përhumbur në një xhelozi patologjike dhe kjo kishte shkaktuar grindje të shpeshta. Megjithëse u ndanë, i riu i shkoi disa herë në shtëpi gruas.

Pas takimit të fundit në Faenza, 27 vjeçari, emri i të cilit nuk bëhet i ditur, ka kërcënuar se do të vetëvritej me thikë, ndërsa ka tentuar ta marrë me forcë gruan në makinën e tij, raporton Ora. Fatmirësisht, një patrullë policie u gjend rastësisht në zonë, e cila ndërhyri duke arrestuar në flagrancë shqiptarin. Ai u dërgua në burgun e Ravenna-s.





Lajmet e fundit nga