E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

Rrëfimi prekës i nënës së djalit të dhunuar nga pronarja “monstër” Anjeza Shabani

21 Qershor 2016, 16:44, Aktualitet CNA

Nëna e djalit të dhunuar nga pronarja e kopshtit privat, Anjeza Shabani përmes një rrëfimi prekës ka treguar të tjera detaje lidhur me skandalin në fjalë. Në një letër drejtuar ?Revistës Anabel?, mamaja me inicialin J. ka rrëfyer se ankthi dhe terrori për dhunën ndaj fëmijës së saj ka zgjatur 8 muaj.

Mamaja e vogëlushit 3-vjeçar e konsideron Anjeza Shabanin kriminele, ndërsa shton se kur rrihte fëmijët, pronarja e kopshtit kishte siguruar një solucion ?Sprait? që largonte shenjat e dhunës.

Më tej nëna e fëmijës së dhunuar deklaron se 3-vjeçari nuk është autik, por im ka zhvillim pak të vonuar.

Prononcimi i plotë i nënës së fëmijës së dhunuar

?Anabel. ?Po reflektoj dhe pse në gjendje psikologjike të rëndë, e imja dhe e tim bir?Jam mami i atij vogëlushi që është rrahur barbarisht, është mbyllur brenda një dhome me errësirë çdo ditë, i shkuleshin flokët, saqë kur e laja, vëreja pika të kuqe në kokë dhe i binin flokët dhe më thoshtë vetëm: ?Mami, mami?. Mjalti me arrat që i çoja shtesë, nuk i hante im bir, por kjo kriminele dhe i shijonte. Bebelinat, letrat e lagura që dërgonin fëmijët, i përdorte për vajzën dhe mbesën e saj. Kur rrihte fëmijët, ishte siguruar me një solucion ?Sprait? që largonte shenjat. Aty janë dhunuar të gjithë fëmijët të cilët flasin dhe do të dëshmojnë. Djali im sa nisi duke folur në prill, por ndaloi kur e çova në kopësht. I thoja asaj çdo ditë që diçka nuk shkon me djalin tim. Ajo më thoshte: ?Pasha Allahun? e mbaj si djalin tim.? Femër shumë mashtruese. Nuk mund ta besoja. Çdo ditë si nënë kisha mbytje në vetvete. Djali im ka zhvillim pak të vonuar, por nuk është autik. Dhe kjo ka qënë në dijeni që djali nuk flet. Thotë vetëm ca fjalë, sa kishte filluar të shpërthente. Është i urtë, i dashur. Është jeta ime. Fëmija reagon ndaj dhunës. Kishte instiktet dhe u mbrojt, iu dridhën duart, (në video) shkoi e përqafoi edukatoren që e trajtonte mirë. Ajo që më shqetëson është gjendja e djalit tim. Unë jam nëna e tij dhe vetëm dashuria ime do ta bëjë të kalojë gjithë këtë traumë prej 8 muajsh. Tani ndodhemi në spital dhe unë dhe im bir që është në gjendje të rëndë dhe i duhej të bënte anestezi për një rezonancë magnetike. Faleminderit të gjithë shqiptarve.