E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

77 kopshte licencë, gjobiten 21 prej tyre/ Majlinda Bregu: Po me 56 të tjerat ç’bëhet ?

21 Qershor 2016, 14:18, Aktualitet CNA

Deputetja e PD-së, Majlinda Bregu ka publikuar në rrjetet sociale, raportin e publikuar në faqen zyrtare te Inspektoriatit Shteteror te Arsimit për institucionet parashkollore private.

Në raport thuhet se nga inspektimi rezultojnë se 77 kopshte në Tiranë ofrojnë shërbimin arsimor parashkollor pa leje. Sipas raportit, nga këto 77 kopshte pa leje janë gjobitur 21 prej tyre. Deputetja e PD-së, Majlinda Bregu, pyet se çfarë po ndodh me 56 kopshtet e tjera pa licencë.

Gjithashtu, Bregu thekson se ne raport flitet per mungese kushtesh, standartesh, mesues pa diplome perkatese, mungese te sherbimit psiko social., por askush nuk flet për këto kopshte të licensuara dhe pa standartet e mesiperme

Deputetja e PD-së, shprehet se qytetarët janë të parët për të bërtitur, por kur duhet të ngremë zërin ose na vjen ?orari i gjumit? ose na iken ai filli mallengjyes i frymezimit politik!!!!?

?Kaq he per he, se per te bertitur vend e pa vend jemi te paret, por kur duhet te zeme mend e te reagojme per problemet e verteta o na vjen ai “orari i gjumit” ose na iken ai filli mallengjyes i frymezimit politik!!!!??,shkruan Bregu

Raporti

“Inspektimi tematik i institucioneve parashkollore private me qëllim vlerësimin e zbatimit të kritereve të ligjshmërisë në përputhje me aktet ligjore.

Gjatë periudhës 16-21.03.2015 ISHA inspektoi dhe monitoroi 96 institucioneve arsimore parashkollore private, në 11?të njësitë bashkiake të qytetit Tiranë, në lidhje me vlerësimin e zbatimit të kritereve të ligjshmërisë në veprimtarinë e tyre në përputhje me aktet ligjore.

Nga inspektimet e zhvilluara, rezultoi se:

– 77 KOPSHTE ofrojnë shërbimin arsimor të edukimit parashkollor PA LEJE të funksionimit në të gjithë territorin e Bashkisë Tiranë.
– Vetëm 20% (19) e kopshteve të inspektuara janë të licencuara.
– 48 kopshte janë të regjistruar në Qendrën Kombëtare të Regjistrimit.
– 27% e kopshteve krahas shërbimit arsimor parashkollor ofrojnë edhe shërbimin e çerdhes.
– Numri i fëmijëve që frekuentojnë këto institucione parashkollore private është 2263, në grupe të përziera.
– Numri i mësuesve pranë këtyre kopshteve është 176 nga të cilët 35% me arsimin e lartë përkatës (20 mësues me diplomë Parashkollori dhe 41 mësues me diplomë Cikli i Ulët), 35% me arsimin e lartë jashtë profilit (63 mësues të degëve të ndryshme) dhe 30% me arsim të mesëm (20 mësues kanë mbaruar shkollën pedagogjike dhe 32 mësues kanë mbaruar gjimnazin). Vetëm në 17 kopshte u gjetën programet mësimore për grupmoshat 3-4, 4-5, 5-6, standardet e arritjes dhe ato të përmbajtjes për planifikimin e zbatimin e kurrikulës së parashkollorit. Në rastin më të mirë punohet me një program për të gjitha moshat.
– Pjesa më e madhe e kopshteve të monitoruara nuk kanë kushte të përshtatshme që mundëson sigurinë e jetës, shëndetin dhe ushqyerjen e fëmijëve. Ato janë krijuar në mjediset e shtëpive private, në katet e para e të dyta të pallateve. Nuk njihet e zbatohet Rregullorja higjieno- sanitare për ?Ndërtimin dhe funksionimin e kopshteve të fëmijëve?.
Grupet e inspektimit i vunë në dispozicion të gjithë administratorëve të institucioneve të arsimit parashkollor privat, në 11-të njësitë bashkiake të qytetit të Tiranës, udhëzimin Nr. 15, datë 12.07.2013 ?Për procedurat e posaçme për shqyrtimin e kërkesave për licencë të institucioneve arsimore private dhe institucioneve arsimore plotësuese private?. Drejtuesit e kopshteve firmosën edhe procesverbalin e marrjes në dorëzim të këtij udhëzimi të MAS-it.

Në muajin nëntor grupet e ISHA-s riinspektuan 81 kopshtet e mësipërme qëllim verifikimin e zbatimit të rekomandimeve të lëna.

Grupet e ISHA-s, për 21 INSTITUCIONE të arsimit parashkollor privat që u gjetën të palicencuara dhanë dënimin administrativ me gjobë në vlerën ?500 000 lekë”.