web counter
LEXO PA REKLAMA!

SHKARKO APP

App Store
Google Play

Pse hesht PD për skandalin në kopshtin privat ?

21 Qershor 2016, 14:45, Aktualitet CNA

Një video-denoncim i publikuar mbrëmjen e djeshme në emisionin investigativ ?Stop?, ku administratorja e një kopshti privat shfaqej duke dhunuar një fëmijë 3-vjeçar, tronditi opinionin publik.

Të shumtë ishin ata që reaguan ashpër ndaj këtij skandali. Gazetarë, figura të njohura, personalitete dhe qytetarë të thjeshtë reaguan sipas mundësive, dikush përmes rrjeteve sociale, e dikush në media.

Edhe ish-Kryeministri Sali Berisha reagoi përmes rrjeteve sociale, duke e konsideruar si akt çnjerëzor skandalin e dhunës. “Nje akt çnjerezor i pronares edukatore qe torturon shtazerisht nje vogelush 3 vjeçar.” është shprehur Berisha.

Por, ajo që ra në sy është se gati 24 orë nga publikimi i këtij skandali, Partia Demokratike nuk ka thënë asnjë fjalë në mënyrë zyrtare. As dje dhe as sot, asnjë nga përfaqësuesit e PD-së nuk kanë reaguar për këtë skandal që tronditi shoqërinë shqiptare.

Ndoshta në PD janë të zënë me probleme të tjera, por kjo ngjarje duhet të kishte sjellë një reagim të fortë nga opozita pasi prek një problem të rëndësishëm në shoqërinë tonë.

Nuk ka asnjë arsye se pse PD-ja duhet të heshtë për këtë skandal ose nëse ka një arsye dikush nga PD të dalë dhe ta thotë publikisht, e jo të heshtë, a thua sikur po i del në mbrojtje, administratores që dhunoi pa shpirt fëmijën 3-vjeçar./citynews





Lajmet e fundit nga