web counter
LEXO PA REKLAMA!

SHKARKO APP

App Store
Google Play

Shteti në kaos/ Institucionet në luftë për përgjimet

10 Qershor 2016, 06:40, Aktualitet CNA

Shteti shqiptar duket se është futur në një kaos total, pasi institucionet e drejtësisë dhe qeveria kanë nisur një luftë të ashpër mes tyre ditët e fundit. Pajisja e përgjimit dhe pezullimi i Haki Çakos nga detyra ka shkaktuar shumë tension në vend, i cili ka vijuar edhe ditën e djeshme.

Ajo që është e qartë, është se prokuroria, gjyqësori, Shërbimi Informativ Shtetëror dhe Presidenti i Republikës kanë nisur një përplasje të ashpër me Ministrinë e Brendshme, Kryeministrinë dhe me Policinë e Shtetit, shkruan “Sot”. Ajo që ndodhi pak javë më parë, ku gjyqësori u përplas fort me Bashkinë e Tiranës është rikthyer, por këtë herë me akuza shumë më të forta dhe me një situatë krejt tjetër, pasi pajisja e përgjimit mund të çojë qeverinë drejt rrëzimit. Ministri Saimir Tahiri, të mërkurën por dhe dje, akuzoi fort gjyqtarin Arjan Aliaj, i cili firmosi pezullimin e Haki Çakos, teksa me një gjuhë shumë të ashpër sulmoi gjyqësorin, prokurorinë dhe presidentin.

Nga ana tjetër, dy ditët e fundit ka pasur reagime shumë të forta nga Unioni i Gjyqtarëve, Unioni i Prokurorëve, nga KLD, Gjykata e Tiranës, teksa dje reagoi dhe Konferenca Gjyqësore, e cila ju përgjigj Tahirit. Kjo tregon se vendi ka hyrë në një krizë të fortë institucionale, pasi sulmet kanë qenë shumë të ashpra dhe pritet që të vijojnë edhe në ditët në vijim.





Lajmet e fundit nga