E fundit!

07:15 Sociale

Rriten temperaturat/ Moti për ditën e sotme

Ditën e sotme vendi ynë do të mbetet nën ndikimin e masave...

Ekskluzive-Kongresmeni amerikan David W. Jolly, letër ambasadorit Lu/ Zyrtarë të qeverisë po refuzojnë publikisht autoritetin e vendimit gjyqësor dhe mund të përpiqen të ndërhyjnë/trembin gjykatësit për përfitime politike

13 Maj 2016, 11:08, Aktualitet CNA

Kongresmeni amerikan David W. Jolly në një letër drejtuar amabasadorit të SHBA-ve në Tiranë Donald Lu, nisur vetëm dy ditë më parë kur kryebashkiaku i Tiranës Erion Veliaj protestonte perpara Gjykates, shprehet i shqetësuar për faktin se qeveria po tremb gjyqtarët në vendimet e tyre dhe ka refuzuar zbatimin e vendimeve të gjyjkatave.

Në letrën e siguaruar nga citynews, kongresmeni Jolly thekson se ?Po ju shkruaj sot me shqetësim gjithnjë në rritje, se vendimet gjyqësore të pavarura dhe të ndershme në Shqipëri janë të kërcënuara, dhe si ka ardhur në vëmendjen time, disa zyrtarë të qeverisë po refuzojnë publikisht autoritetin e vendimit gjyqësor dhe mund të përpiqen të ndërhyjnë/trembin gjykatësit për përfitime politike. Unioni i Gjyqtarëve i quan

këto veprime të paprecedenta dhe shumë të rrezikshme?.

Më tej në letrën dërguar Lu kongresmeni nga Florida shkruan për nxitjen e fortë për inkurajimin e fortë të parlamentit në zbatim të plotë të ligjit të dekriminalizimit.

Letra vjen në momentin kur kryebashkiaku Erion Velijaj dhe zyrtarë të lartë të qeverisë protestuan përpara gjykatës dhe kanë filluar sulmet dhe akuzat për vendimet e gjyqësorit. /citynews

Letra e plotë:

Ju falenderoj për përfaqësimin e vazhdueshëm që Shtetet e Bashkuara të Amerikës po i bëjnë aleatit dhe mikes tonë, Shqipërisë. Po ju shkruaj sot me shqetësim gjithnjë në rritje, se vendimet gjyqësore të pavarura dhe të ndershme në Shqipëri janë të kërcënuara, dhe si ka ardhur në vëmendjen time, disa zyrtarë të qeverisë po refuzojnë publikisht autoritetin e vendimit gjyqësor dhe mund të përpiqen të ndërhyjnë/trembin gjykatësit për përfitime politike. Unioni i Gjyqtarëve i quan këto veprime të paprecedenta dhe shumë të rrezikshme.

Me shumë respekt ju nxis ju të punoni me qeverinë e Shqipërisë për të vazhduar angazhimin e saj për qeverisje dhe procese juridike të lira dhe të ndershme. Si pjesë e demonstrimit të këtij angazhimi, unë shpresoj se ju do të vazhdoni të inkurajoni Parlamentin të plotësojë zbatimin e plotë të ligjit të sapo miratuar të dekriminalizimit për të siguruar praktikat më të mira për hetimin e prejardhjes së zyrtarëve qeveritarë dhe liderëve politikë. Deri në zbatimin e plotë të këtyre politikave dekriminalizuese, ne ndajmë një dëshirë të fortë për të parë se qeveria e Shqipërisë punon me reformat e nevojshme në drejtësi në mënyrë të ndershme dhe nën një process të hapur dhe diskutues.

Marëdhënia e vazhdueshme midis Shteteve të Bashkuara të Amerikës dhe Shqipërisë dhe interesi ynë i përbashkët për siguri dhe liri ka një rëndësi të veçantë si rajonale ashtu edhe globale.

Ju falenderoj për lidershipin tuaj të vazhdueshëm dhe jam me ju për të inkurajuar liderët në Shqipëri të përqafojnë një angazhim në rritje për të pasur një qeverisje juridike të pavarur dhe të ndershme.