web counter
LEXO PA REKLAMA!

SHKARKO APP

App Store
Google Play

Nga Joleza Koka/ Nuk ka socializëm pa feminizëm!

28 Shkurt 2016, 23:13, Opinione CNA

Falë takimeve politike, ne aktivistët politikë marrim energji të reja dhe inspirohemi për aktivitetet tona të përditshme. Kongreset janë skena kryesore ku ne themi qëndrimet tona dhe objektivat për mandatin e ardhshëm. Nga njëri kongres në tjetrin, strategjitë politike mund të ndryshojnë dhe të zhvillohen në linja veprimi konkrete.

Por disa vlera thelbësore, ato që na motivojnë për të qëndruar të gjithë së bashku në një sallë, megjithëse vijmë nga vende të ndryshme të botës, nuk ndryshojnë kurrë, pikërisht këto vlera thelbësore na bëjnë ne socialist internacional, të bashkuar për të luftuar për to.

Dhe ne patjetër duhet të jemi të zëshëm. Një nga qëllimet tona është padyshim barazia gjinore dhe kjo do të thotë akses të barabartë në pushtet për të gjitha gjinitë. Për këtë arsye së bashku me shumë përpjekje të tjera në luftën për barazi ne jemi mbështetëse të kuotave gjinore, në parti, në organizatat tona dhe në çdo sferë tjetër të shoqërisë.

Bota nuk do të ndryshojë dhe drejtësia sociale nuk do të bëhet realitet, derisa ne, socialistët e rinj, nuk do të jemi agjentët e parë të ndryshimit në botë. Derisa ne të jemi aq feminist sa të rrethohemi nga vajza të reja që duan të zgjidhen si përfaqësuese.

Foto; pas takimit të grave socialiste dje në Tiranë, para Kongresit të Internacionales Socialiste të të rinjve me:

Zita Gurmai, Kryetare e Forumit të Gruas, Partia Socialiste Europiane.

Nina Zivanovic, Sekretare e përgjithshme e Forumit Rinor Europian.

Olta Xhacka, Kryetare e Forumit të Gruas, Partia Socialiste.

Ftoj gazetaret vajza dhe gra, aktivistet e forumeve dhe të gjithë ata që besojnë tek feminizmi të tregojnë mbështetje duke e përhapur mesazhin.





Lajmet e fundit nga