E fundit!

11:06 Aktualitet

“Po nxjerr paratë e krimit jashtë vendit”/ Vokshi: Do kërkojmë komision hetimor për udhëtimet e Ramës

Deputetja Albana Vokshi ka bërë me dije se opozita do të r...

Ndryshimet në qeveri/ Basha: Rama mbetet i vendosur në promovimin e vjedhjes dhe hajdutërisë

16 Shkurt 2016, 11:27, Politikë CNA

Kryetari i Partisë Demokratike, Lulzim Basha, ka komentuar zhvillimet e fundit në qeveri, me largimin e Shkëlqim Canit nga ministria e Financave dhe zëvendësimin e tij me ministrin e Ekonomisë, Arben Ahmetaj.

Nëpërmjet një deklarate për shtyp, Basha tha se zëvendësimi i Canit me Ahmetajn tregon se Edi Rama mbetet i vendosur për promovimin e hajdutërisë dhe vjedhjes. Sipas tij, Ahmetaj është i përfshirë në afera korruptive sic është lanfilli i Elbasanit dhe Skavica.

Deklarata e plotë e Lulzim Bashsës:

Edhe pse lufta ndaj korrupsionit është një prioritet absolut sic e vuri në dukje edhe Sekretari amerikan i Shtetit, Edi Rama mbetet i vendosur në promovimin e vjedhjes dhe hajdutërisë.

Pasi bëri kurban Shkëlqim Canin për të mbuluar vjedhjen e 400 milionë dollarëve në tatime dhe dogana, me caktimin e Arben Ahmetajt si ministër financash, Rama konfirmoi se plaçkitja, zhvajtja, mbushja e xhepave me paratë e shqiptarëve, janë standartet e tij të qeverisjes.

Ahmetaj është ndër më të besuarit e bandës plaçkitëse të Edi Ramës. Ai ka feksur me landfillin e Elbasanit nga ku vidhen 10 mijë euro para publike në ditë, dhe ka shkëlqyer si ndërmjetësi i pazarit të fshehtë, të paligjshëm dhe korruptiv për mega-aferën Skavica.

Rama dekoroi sot dhe modelin e koncesioneve korruptive në shëndetësi, një prej vjedhjeve më të mëdha në historinë e vendit ku u ndanë mbi 338 milionë euro me miqtë dhe klientët e tij. Si zv.ministre e Shëndetësisë zonja Konomi ka qenë një punëtore e palodhur në këtë skemë të madhe zhvatje. Për këtë kontribut ajo shpërblehet nga Rama duke u emëruar Ministre e Ekonomisë.

Mesazhi i Ramës është i qartë. Vidh, bëhesh deputet dhe ministër. Vidh më shumë, Edi Rama të beson financat, të beson ekonominë e vendit.

Këto arnime korruptive pasqyrojnë vetëm interesat financiare të Edi Ramës. Ato do ta thellojnë edhe më tej rekordin e vjedhjes, varfërinë dhe krizën që janë produktet e vetme të kësaj qeverie. Ndryshimi i vërtetë nis me largimin e Edi Ramës dhe bandës së tij plaçkitëse.