E fundit!

12:05 Politikë

“Mos më thuaj mua e dashur”/ Debate në komisionin për Reformën Zgjedhore: Je bardh e zi në mendje

Komisioni për Reformën Zgjedhore u shoqërua me debate mes ...

Denoncimi i Citynews/ PD: Rama dërgon Arben Ndokën të prezantojë Prefektin e Lezhës

15 Shkurt 2016, 12:13, Politikë CNA

Citynews ka publikuar pak më parë disa foto të ish deputetit Arben Ndoka, në krye të detyrës duke prezantuar prefektin e ri të qarkut të Lezhës. Arben Ndoka vazhdon te jete ende prezent në politiken shqiptare, për me teper në elitën e saj. Ndoka dha dorheqjen pas akuzave te shumta te opozites dhe kurre nuk pranoi sulmet ndaj tij por tha se ishte thjesht nje gabim. Ndoka kujtohet edhe per grushtat ndaj deputetit demokrat Gent Strazimiri ne parlament. Lexo lajmin e citynews:

Citynews mundi të siguroje këtë video dhe disa foto nga prezantimi i prefektit te ri te Lezhës, Eduart Ndreca.

Këtë fakt të publikuar nga citynews e ka denoncuar edhe Partia Demokratike, e cila nëpërmjet një deklarate për shtyp të sekretarit të përgjithshëm Arben Ristani tha:

Departamenti amerikan i shtetit e cilësoi të papranueshme që Arben Ndoka, i dënuar në Itali për trafik prostitucioni dhe rrëmbim personi, të ishte pjesë e parlamentit.

Sekretari Kerry, pasi e vlerësoi dje në Tiranë procesin e dekriminalizimit, e veçoi atë si sukses dhe model që duhet ndjekur.

E megjithatë, ja ku është i zgjedhuri i Edi Ramës, i besuari i tij në Lezhë, duke prezantuar Prefektin e Qarkut.

Ja ku është i dënuari që, pas denoncimeve të opozitës, pas qëndrimeve të partnerëve ndërkombëtarë, dhe pasi ligji i dekriminalizimit e nxorri jashtë parlamentit, sot, me bekimin e Edi Ramës, qeveris Lezhën, bën emërime, shkarkime, tenderime. Vendos për çdo gjë.

Edi Rama sfidon hapur dekriminalizimin, sfidon hapur mesazhin e z.John Kerry.

Ai vazhdon t?u japë pushtet personave të inkriminuar, vazhdon ti mbajë ata afër, dhe po i përgadit ata për zgjedhjet që po vijnë për të deformuar votën e lirë.

Si ta kuptojmë qytetarët këtë shpërfillje të Edi Ramës ndaj mesazhit të Kerrit?

Si duhet ta shohë publiku inkriminimin deri në palcë që Edi Rama tashmë po i bën edhe Partisë Socialiste.

Ende pa u mbushur 24 orë nga mesazhi i sekretarit Kerry për dekriminalizimin, Edi Rama po konfirmohet si promotor dhe protektor i krimit në politikë.