E fundit!

16:38 Kronika

Aksident i rëndë në aksin Tiranë-Elbasan/ Betonierja bie nga lartësia, dyshohet për viktima

Një aksident i rëndë është shënuar këtë të mërkurë në aksi...

Ngjela: Ksera u arrestua për të shpëtuar Berishën, do arrestohen edhe ministra të tjerë

31 Janar 2016, 16:07, Politikë CNA

Avokati Spartak Ngjela ka komentuar arrestimin e ish ministrit Spiro Ksera. Nëpërmjet një postimi në rrjetet sociale, Ngjela shkruan se arrestimi i Kserës është komedi, pasi gjithcka ecën për të shpëtuar Sali Berishën. Ngjela thotë se pushteti gjyqësor dhe prokuroria kontrollohen nga Berisha dhe sipas tij paratë i ka marrë vetëm Ksera, por mitingjet dhe aktivitetet fals që ka bërë ministria e Kseres, kane qenë aktivitete të Partisë Demokratike. Për këtë arsye, Ngjela shkruan se Ksera duhet të hetohej përpara të vijë ?reforma në drejtësi?

“E arrestuan ministrin e Saliut, Ksera. Komedi. Gjithçka vjen dhe ecën për të shpëtuar Saliun. A e mbani mend sesa shpesh e vizitohej ministria e Kseres nga gruaja e Saliut? Por pushteti gjyqësor është i Saliut; edhe Prokuroria gjithashtu. Atëherë, çfarë po ndodh: mos filloi Saliu të godasë vetveten? E pamundur. Çështja është që t’i dilet përpara reformës në drejtësi për të thënë se filloi Reforma Antikorrupsion. Po Ksera? Ai nuk di si të veprojë. Në fakt duhet të bëhet pentito, domethënë i penduar. Por, a e lënë prokurorët aktuale? Jo. Këtu qëndron loja: paratë i ka marrë vetëm Ksera. Por mitingjet dhe aktivitetet fals që ka bërë ministria e Kseres, kane qenë aktivitete të Partisë Demokratike. Atëherë? Natyrisht, Ksera duhet të jetë i vetëm, pa lidhje në taborin e Saliut…prandaj duhet të hetohet para se të vijë “batica”, domethënë, Reforma në Drejtësi. Por, sipas kësaj logjike, duhet të ketë edhe të tjerë ministra bashkëpunëtorë në vjedhje me Saliun. Patjetër që po. Sepse ata nuk duhet të bëhen të penduar. Ky është sekreti.”, shkruan Ngjela

Gjithashtu, Spartak Ngjela i është drejtuar edhe kryeministrit të vendit, Edi Rama, duke i thënë se reforma në drejtësi do të kryhet, do apo nuk do Berisha. Ngjela tha se Rama duhet ta kuptojë se pushteti mund të mbahet vetëm me reformën në drejtësi. Sipas tij, vjedhësit janë të identifikuar, ndërsa e vetmja rrugë për të zbutur dënimin e tyre është pendimi.

“Ja, kjo është gjendja shqiptare, kur FMN nuk ia dha sot paratë Qeverisë Shqiptare. Sepse ajo nuk e ka bërë dot Reformën në Drejtësi. Por qeveria Rama nuk do kete para as për rrogat. Drejtoju popullit Rama.!..nuk ke pushtet pa drejtësi, nëse di të mendosh politikisht për gjendjen… Sepse, ne shtator të vitit 2013 Rama e quajti qeverisjen një dalje përgjah me Metën dhe me Koçon, kur unë i thashe që “pa Reformën në Drejtësi je i rrëzuar”, si edhe Nanoja.
Ja pra…kjo eshte gjendja. Por Reforma do bëhet, e kupton apo jo Rama….dhe e do apo jo Saliu. Vjedhësit janë të gjithë të identifikuar… E vetmja rrugë e zbutur e tyre duhet të jetë PENDIMI. Dënimi I tyre është i pashmangshëm.”