web counter
LEXO PA REKLAMA!

SHKARKO APP

App Store
Google Play

E fundit!

x

"Mos e paguani biletën e rritur të transportit urban"

31 Janar 2016, 12:14, Politikë CNA

Partia Demokratike u ka bërë thirrje qytetarëve t?i bëjnë rezistencë rritjes së çmimit të biletës për transportin urban. Nëpërmjet një deklarate për shtyp, këshilltarja e PD, Rieal Bozdo, ka thënë se qytetarët nuk duhet të paguajnë cmimin e rritur të biletës për të mbushur xhepat e kryebashkiakut. Ajo u shpreh se  sapo PD të vijë në pushtet, cmimi i biletës do të rikthehet 30 lekë.

Deklarata e PD

Reila Bozdo 10 Janar 2016Nga nesër qytetarët e Tiranës do të paguajnë gjobën korruptive të kryemashtruesit Erion Veliaj.

Rritja e çmimit të biletës, nga 300 lekë në 400 lekë, që kryemashtruesi i Tiranës bëri në fshehtësi, në pabesi, nis nesër zbatimin dhe janë 6 milionë dollarë në vit që qytetarët do të paguajnë më shumë për xhepin e Erion Veliajt dhe klientelës së tij.

Duhet ta themi se shoqëritë e transportit urban kanë bërë përpjekje edhe më herët për ta rritur biletën e autobuzit, por janë sprapsur nga kryetari i mëparshëm Basha.

Me ardhjen e Veliajt, ata gjetën personin e duhur për këtë aferë që do të rëndojë në kurrizin e qytetarëve.

Partia Demokratike, këshilltarët e saj në Bashkinë e Tiranës do të ndjekin çdo rrugë ligjore për ta ndalur këtë vjedhje, këtë gjobë korruptive të kryemashtruesit Veliaj.

Ne i bëjmë thirrje qytetarëve ti rezistojnë kësaj afere korruptive, të refuzojnë të japin para për xhepat e Erion Veliajt dhe klientelës së tij.

Ne i sigurojmë qytetarët e Tiranës, se sapo shqiptarët ti besojnë Partisë Demokratike vendimarrjen, çmimi i biletës do të reduktohet në 300 lekë, dhe akciza e naftës për transportin publik në Tiranë e në gjithë vendin, do të hiqet.





Lajmet e fundit nga