Skandali i me konferencat dhe spotet, reagon qeveria

8 Janar 2016, 21:37, Politikë CNA

Qeveria ka reaguar përmes portalit Transparenca.al, lidhur me lajmin e Hashtagalbania ku pretendohej se bazuar në të dhënat e transaksioneve të kryera prej thesarit, Agjencia Kombëtare e Planifikimi të Territorit ka paguar 517 mijë euro vetëm për realizimin e 5 konferencave si dhe 20 spoteve më një kohëzgjatje totale prej 10 minutash. Në sqarim thuhet se ky fond nuk është aspak ?i dyshimtë? pasi çdo veprim është bazuar në ligjet e shtetit shqiptar dhe procedurave transparente.qari

Ja reagimi i qeverisë

Në kuadër të hartimit të planeve kombëtare të territorit dhe në bazë të ligjit të planifikimit dhe zhvillimit të territorit, komunikimi me publikun dhe dëgjesa publike përbëjnë detyrim për institucionet hartuese, gjatë procesit të hartimit të planeve dhe përpara finalizimit të tyre.

Për këtë arsye, AKPT ka konceptuar një proces komunikimi me publikun, nëpërmjet mediave, për një periudhë 10 mujore, i cili ka filluar në Nëntor 2015 dhe do të vazhdojë deri në Shtator 2016. Platforma e komunikimit, përveç prodhimit të programeve dhe spoteve, përfshin edhe blerjen e kohës televizive, nëpërmjet shfaqjes së 27 spoteve në një kohëzgjatje rreth 82,000 sekonda televizive dhe 46,800 sekonda radiofonike. Kësisoj, koha për transmetimin e këtyre spoteve përfshihet mes të tjerash në buxhetin e përcaktuar për platformën, bashkë me konceptimin dhe prodhimin e 5 programeve prezantuese për tre planet.

Procesi nëpërmjet të cilit është ndërtuar komunikimi sensibilizues dhe informues në kuadër të hartimit të planeve kombëtare, është bërë në mbështetje të ligjit nr. 9643, datë 20.11.2006, i ndryshuar, ?Për Prokurimin Publik?. Në pikën ?b? të nenit 7 të këtij ligji theksohet se ky ligj nuk zbatohet në kontratat e shërbimit publik për: blerjen, zhvillimin, prodhimin, bashkëprodhimin e programeve ose të reklamave për transmetimin nga operatorët radiotelevizive ose botimin në median e shkruar dhe për kontratat për kohë transmetimi. Ndërkohë që në bazë të VKM-së nr. 1195, kjo procedurë nuk mbart detyrimin e publikimit në buletinin e APP-së.

Për sa i përket garës për përzgjedhjen e kompanisë fituese, procesi është zhvilluar i hapur dhe fituesi është përzgjedhur sipas ofertës teknike më të mirë dhe ofertës ekonomike më të ulët, mes ofertave të prezantuara, konform bazës ligjore. Ndërkohë që ky fond nuk është aspak ?i dyshimtë? pasi çdo veprim është bazuar në ligjet e shtetit shqiptar dhe procedurave transparente.