web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Fiks Fare dhe fotokopjet e këqija

5 Janar 2016, 10:42, Aktualitet CNA

Fiks Fare vijon të jetë emisioni satirik më i ndjekur në Shqipëri. Prej më shumë se një dekade dhe mijëra emisione të transmetuara, qindra e qindra denoncime, sot shihen si një mundësi për tu kopjuar apo keq fotokopjuar. Por fotokopja kurrë nuk mund të jetë si origjinali.

A duhet ketë Fiks Fare frikë nga fotokopjet e tij?

Dikush mund të thotë po, dikush mund të thotë jo, por koha ka folur vetë. Pak kohë më parë, dikush doli nga Fiksi me ?krenari? dhe shkoi në një televizion ku nisi një emision, i cili shumë shpejt u mbyll. Ishte dështim apo sukses, fakti është se ai emision merrej me të njëjtat tema që Fiksi i kishte ezauruar vite më parë, atëherë kur shumë media kishin frikë të dilnin nga qendra e Tiranës. Nuk pati shumë sukses dhe askush nuk mban mend çfarë temash ka pasur, krenaria u kthye ne lagështi.

Një grup tjetër nga stafi i Fiksit u shkëput pak kohë më parë për një rrogë më të mirë në një televizion të ri. Ashtu si edhe në rastin e parë, nga largimi i tyre u krijua një emision thuajse i ngjashëm. Edhe në këtë rast, po të pyesësh se çfarë kanë bërë, askush nuk mban mend asgjë. Mbyllja e televizionit i dërgoi në një tjetër stacion. Formati është i njëjtë, atje është vetëm një pjesë e vogël e trupës së Fiksit, pikërisht ata që ikën për një rrogë më të lartë e që pas pak muajsh ngelën pa rrogë. Dalja e tyre në një televizion kombëtar, për ta, ndoshta ka qenë shpëtim sepse u është rikthyer paga, por nëse pyesim se çfarë do bëjnë, të gjithë na thonë: Janë disa nga ata të Fiksit, që do bëjnë ato që ka bërë dhe bën Fiksi.

Duke e mbyllur, drejtojmë një pyetje: Kur kemi origjinalin, përse na duhet një fotokopje e keqe? /citynews





Lajmet e fundit nga