web counter
LEXO PA REKLAMA!

SHKARKO APP

App Store
Google Play

Tërhiqet PS, 1 vit burg për kuponin tatimor, opozita dakord

16 Nëntor 2015, 15:36, Aktualitet CNA

Kreu i komisionit të Ligjeve të grupit të PS, Fatmir Xhafaj, ka folur për tërheqjen nga ndryshimet në kodin penal për dënimin me 3 vite burg për kuponin tatimor. Sipas tij kjo tërheqje nuk erdhi si pasojë e presionit, por për shkak të konsultimeve me grupet e interesit. Më tutje ai shtoi që edhe opozita ishte dakord.

 

“Nuk ka presione. Ligji është konsultuar me grupet e interesit. Ky ligj ka ngrënë disa seanca në parlamentin shqiptar. I është nënshtruar një debati të gjerë dhe përfundimisht është bërë një ndryshim që ne na duket i arsyeshëm, ndryshim që e mbështet edhe opozita edhe grupet e interesit”, ka pohuar Xhafaj.

 

Ndërsa, për sa i përket ligjit për kriminalizimin dhe  të shpifjes, Xhafaj është shprehur se do të flasë për të në momentin që do të shkojë në komision.

 

“Po sqaroj, një ligj që nuk ka ardhur në proces shqyrtimi, cili mund të jetë mendimi im? Qeveria ka thënë që e tërheq, do e sjellë apo nuk do e sjellë nuk e dimë. Kur të vijë do e shqyrtojmë. Si dëshironi ju ta bëj ligjin, se jeni grup interesi, ju kam thirrur edhe ju. Ju këshilloj të flisni për gjëra që i njihni. Projektligji kur të vijë, do shqyrtohet, do jap mendimin tim”, ka thënë Kreu i Komisionit të Ligjeve.





Lajmet e fundit nga