web counter
LEXO PA REKLAMA!

SHKARKO APP

App Store
Google Play

E fundit!

x

E-maili i Drejtoreshës së Tatimeve për shkurtimet nga puna/ Reagon qeveria

14 Nëntor 2015, 17:37, Aktualitet CNA

Qeveria ka reaguar lidhur me e-mailin e publikuar të Drejtoreshës së Përgjithshme të Tatimeve, në të cilin thuhej se numri i personave të shkurtuar nga puna për periudhën Shtator – Tetor 2015 është në nivel alarmant.

Përmes portalit Transparenca.al, qeveria sqaron se përveç shkarkimeve, për të njëjtën periudhë janë regjistruar 135 mijë punonjës, dhe se diferenca midis personave që janë shtuar dhe atyre që janë çregjistruar për këtë dymujor është rreth 67 mijë.

Reagimi i qeverisë

Ndryshe nga çka pretendohet në artikullin e revistës Monitor, Drejtoria e Përgjithshme e Tatimeve e ka procedurë rutinore të punës së saj, monitorimin e të gjithë regjistrimeve/çregjistrimeve nga puna, kjo për të mos lejuar bizneset që të kenë punonjës të padeklaruar. Emaili i Drejtoreshës së Përgjithshme të Tatimeve është formuluar si pjesë e kësaj pune rutinore të zyrës së tatimeve.

Por ajo çfarë nuk theksohet në artikullin e revistës është numri i punonjësve që janë formalizuar apo shtuar në sistemin tatimor. Si pasojë e aksionit kundër informalitetit, vetëm për periudhën Shtator – Tetor janë regjistruar 135 mijë punonjës. Diferenca neto midis personave që janë shtuar dhe atyre që janë çregjistruar për këtë dymujor është rreth 67 mijë, shifër e cila krahasuar me ritmin mesatar mujor përgjatë pjesës së parë të këtij viti, është 10 herë më e lartë. Nga ana tjetër, largimet gjatë muajve të fundit janë në të njëjtin nivel me mesataren e mëparshme të çregjistrimeve.

Bashkangjitur gjendet dokumenti në formatin Excel, me të dhënat mujore për shtimin e punonjësve për vitin 2015:

file–kliko-ketu-për-të-dhënat-janar-tetor-2015

 





Lajmet e fundit nga