E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Bylykbashi: Asnjë reagim nga Qeveria dhe organet përgjegjëse

8 Nëntor 2015, 11:55, Aktualitet CNA

Deputeti i PD-së, Oerd Bylykbashi ka reaguar në lidhje me ndotjen e plazhit të Durrësit përmes një postimi në rrjetin social të ?Facebook?.

Ai shkruan se qeveria është fajtori kryesorë për këtë situatë sëbashku me Bashkinë dhe Prefektin të cilët nuk kanë reaguar me masa konkrete.

Shkrimi i plotë:

“Miq durrsake,

Ka me shume se 24 ore qe qytetaret konstatuan ndotjen me te madhe te detit dhe te plazhit qe mbahet mend nga durrsaket. Dhe jo kudo, por rreth 2,5 km vije bregdetare ne zemren e plazhit te Durresit, sektoret Hekurudha dhe Iliria, zonat me te frekuentuara nder vite.

E konstatuan qytetaret, por shteti nuk ishte askund derisa mediat raportuan krimin ambiental. Kjo sipas ligjit konsiderohet “ndotje e madhe” dhe perben krim qe denohet deri ne 10 vjet burgim. Kur do reagojne Prefekti, Bashkia dhe Qarku i Durresit? Dhe jo reagim me deklarata, por me veprime te koordinuara sipas ligjit. Apo nese nuk u hyn nafta dhe ndotja ne shtepi apo ne biznese pushtetareve lokale te Durresit qe u duket vetja agallare, keta nuk e vene ujin ne zjarr?

Fundja, ne 15 vitet e fundit, plazhin e Durresit e kane shkaterruar pushtetaret socialiste, dhe kete e dine te gjithe. Ndoshta kjo eshte arsyeja qe nuk duan t’ia dine qe pas shkaterrimit te brezit te plazhit me ndertime dhe beton, kujt i behet vone se po e mbytka detin nafta!

Kjo tragjedi ambientale e Durresit dhe Shqiperise nxori ne pah rrenimin e shtetit te kesaj mazhorance, mungesen totale te gatishmerise, organizimit dhe koordinimit te institucioneve pergjegjese qe ligji u jep detyra specifike. Neglizhenca dhe mosveprimi perben gjithashtu veper penale dhe prokuroria duhet te nxjerre si pergjegjesit e krimit te kesaj ndotjeje, ashtu edhe pergjegjesite penale te mosveprimit te shtetit per ta parandaluar kete krim e per te larguar menjehere pasojat. Sepse nuk do as mend e as laps per te pritur qe ne nje qytet port si Durresi te ndodhin keto tragjedi amientale.

Ku eshte Prefekti qe duhet te ngrinte komitetin e emergjencave civile ne nivel qarku? Ku eshte Bashkia qe duhej te ngrinte komitetin e emergjencave civile ne nivel bashkie? Ku eshte Qendra Nder-Operacionale Detare qe duhet te koordinoje operacionet per parandalim dhe ne rast ndotjeje? Ku jane tre ministrite, e Mjedisit, e Transportit dhe ajo e Territorit, qe me ligj duhet te koordinojne perpjekjet per pastrim te specializuar?

Qytetaret jane te sensibilizuar, por c’mund te bejne ata me duar bosh per nje katastrofe te tille ambientale? Reagimi i ketij bicim shteti eshte skandaloz dhe qesharak. Me 5 lopata te Komunales se Bashkise kerkon t’i beje balle kesaj ndotjeje! Turp! Ligji parashikon struktura te specializuara dhe licencuara per pastrim ne rast ndotjeje. Ku jane? Punetoret e krahut hiqnin reren me lopate, e ngarkonin me kamion, por nuk dinin se ku perfundonte kjo rere. Por kjo eshte rere e ndotur dhe nuk mund te hidhet kudo, por duhet trajtim i specializuar. Ndaj me shume se qesharak, ky reagim i papergjegjshem i shtetit eshte i rrezikshem per komunitetin.

Po Autoriteti Portual i Durresit ku eshte? Ku i ka ky Autoritet strukturat e tij te specializuara qe t’ia vere ne dispozicion qytetareve te Durresit? Durresi jo vetem qe ka trafik detar por ka edhe port hidrokarburesh. Po nese ndodh nje tragjedi ambientale tjeter, ne meshire te vetpastrimit te natyres apo te 5 lopatave te Bashkise do mbeten qytetaret e Durresit, shendeti i tyre, flora, fauna dhe bregdeti i Durresit?!

Ruajna Zot! Por mos i fal edhe pse nuk dine se c’bejne!

Nje deklarate, prononcim, poze para kamerave nuk e zgjidh kete krim dhe as mbulon papergjegjshmerine e ketij shteti pikturash, palmash dhe ekzibicionizmash. Nese ankohen se nuk kane fonde, te mos shpenzojne per sheshe e palma, per ujitje te luleve te bordures qe ndan autostraden, por per gatishmerine dhe per sigurine e qytetareve apo qe te mos permbyten sa here bie shi.

Ky eshte nje krim ambiental me permasa te paprecedent dhe per kete do vazhdoj te kerkoj llogari edhe ne Parlament ne emer te durrsakeve!?, përfundon Bylykbashi.