web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese shpëton ushtarakët nga fshesa e Mimi Kodhelit

25 Shtator 2015, 07:11, Aktualitet CNA

Gjykata Kushtetuese ka shpëtuar qindra ushtarakë nga fshesa e ministres së Mbrojtjes, Mimi Kodheli. Gjykata Kushtetuese ka rrëzuar si në kundërshtim me Kushtetutën dy nene të rëndësishme të ligjit nr. 59/2014 ?Për karrierën ushtarake në forcat e armatosura në Republikën e Shqipërisë?. Dy nenet parashikonin afate, kushte dhe kritere të reja për daljen në rezervë dhe daljen në lirim të ushtarakëve.   Fillimisht, Kushtetuesja urdhëroi pezullimin e zbatimit të ligjit, duke bllokuar spastrimet e planifikuara në ushtri. Ndërkaq, në datën 23 shtator, gjykata ka vendosur rrëzimin e neneve 25/3 dhe 26/4 të ligjit për karrierën në ushtri. Ç?është e vërteta gjykata nuk hedh poshtë kriteret e reja, por parashikimin, sipas të cilit ushtarakët dalin në rezervë dhe në lirim me urdhër të ministres së Mbrojtjes, Mimi Kodheli.

Po çfarë parashikojnë pikat e rrëzuara nga vendimi i Gjykatës Kushtetuese? Neni 25/3, i rrëzuar nga gjykata, parashikonte që oficerët me gradë madhore dalin në rezervë me urdhër të Kryeministrit, me propozimin e ministrit të Mbrojtjes. Ndërsa, neni 26/4, gjithashtu i rrëzuar nga gjykata, parashikonte që oficerët, përveç atyre që mbajnë grada madhore, dalin në rezervë me urdhër të ministrit të Mbrojtjes, me propozimin e Shefit të Shtabit të Përgjithshëm. Pra, me këtë vendim, gjykata heq duart e kryeministrit dhe të ministres së Mbrojtjes mbi ushtrinë. Argumentet ku u mbështet gjykata për shfuqizimin e asaj dispozite si antikushtetuese lidheshin me pozitën dhe kompetencat e Presidentit si Komandant i Përgjithshëm i FA-ve.

Gjykata rithekson në vendim qëndrimin e mbajtur se Presidenti ka një rol të rëndësishëm në sistemin e karrierës ushtarake të oficerëve madhorë dhe në respektim të parimit të ndarjes e balancimit të pushteteve, si dhe parimit të asnjanësisë politike të FA-ve, kushtetutëbërësi ka përfshirë në procesin e karrierës ushtarake Presidentin dhe Ekzekutivin, për të shmangur kontrollin e këtij të fundit mbi këtë sistem karriere. Gjykata theksoi se është pikërisht Presidenti që gëzon kompetenca kushtetuese për emërimin dhe shkarkimin, me propozim të ministrit të Mbrojtjes, të komandantëve të Forcave Tokësore, Detare dhe Ajrore, si oficerë me grada madhore.





Lajmet e fundit nga