E fundit!

12:05 Politikë

“Mos më thuaj mua e dashur”/ Debate në komisionin për Reformën Zgjedhore: Je bardh e zi në mendje

Komisioni për Reformën Zgjedhore u shoqërua me debate mes ...

Fatos Klosi: Ministrat deklarata të papërgjegjshme

25 Shtator 2015, 06:13, Aktualitet CNA

Ish kreu i Shërbimit Informativ Shtetëror, Fatos Klosi, ka deklaruar se vendimi i kryeministrit Edi Rama për disiplinimin dhe kufizimin e ministrave me jashtë është një masë shumë e fortë dhe serioze. Klosi thotë se vendimi i Ramës nuk ka ndonjë qëllim për t?i mbrojtur ministrat nga kontaktet me agjentë të shërbimeve jo partnere.

Por, sipas tij, ministrat kanë bërë gafa diplomatike në takim me të huajt, dhe është e nevojshme që përpara se të zhvillojnë një takim të tillë apo vizitë jashtë vendit, të informohen për gjithçka nga ministri i Jashtëm, Ditmir Bushati.

Klosi thekson se kjo është një masë e ashpër, por, të cilën Rama e vlerëson si shumë të domosdoshme për të shmangur ?bllofet? e ministrave nga deklarata të papërgjegjshme, që mund të cenojnë qeverinë dhe imazhin e vendit. ?Rama kërkon që qeveria të ketë vetëm një zë, një njeri të caktuar i cili e njeh më mirë vendin përkatës. Ministrat do ta kenë shkelur gjëkundi! Do kenë marrë nisma që s?duhen marrë dhe do kenë bërë deklarata të papërgjegjshme. Një ministër nëse lëshon një deklaratë të pakujdesshme, cenon qeverinë, pasi ai është një person zyrtar dhe flet në emër të qeverisë. Ministri është person publik dhe jo privat. Masa është bërë që qeveria në kontaktet me botën e jashtme, të jetë më kompakte. Nuk është masë e gabuar, është bërë që ministrat mos të dalin ?bllof??, u shpreh Klosi.

Ish kreu i SHISH theksoi se ministrat duhet të tregojnë seriozitet dhe përgjegjshmëri të plotë me botën jashtë, pasi ?gafat? diplomatike minojnë marrëdhëniet mes Shqipërisë dhe jashtë. ?Kjo nuk ndodh vetëm me botën jashtë, por edhe këtu brenda. Çdo ministri ka një zëdhënës përkatës. Rama është i prirur drejt ruajtjes së kofidencialitetit. Një ministër shkon në Spanjë për shembull. Jo çdo ministër e di se ç?është bërë me qeverinë spanjolle. Bushati është i informuar për situatën jashtë dhe ka për detyrë të informojë kolegët e tij?, u shpreh Klosi.