web counter
LEXO PA REKLAMA!

SHKARKO APP

App Store
Google Play

E fundit!

x

TV Klan vazhdon betejen/Shtohen dyshimet për financimin e rrugës së Laprakës

24 Shtator 2015, 15:47, Aktualitet CNA

?Edhe pse në dy krahët e rrugë së Laprakës po punohet prej më shumë se një muaji për të ndërtuar dy korsi biçikletash, kryetari i Bashkisë së Tiranës nuk e di se sa është financimi i këtij projekti. Punimet po kryhen nga disa kompani, që Bashkia nuk pranon t?i bëjë publike, të cilat kanë vënë në përdorim kapacitete të shumta, si makineri të rënda, fuqi punëtore apo material të ndryshme ndërtimi, duke shpenzuar shuma të mëdha parash, por Erion Veliaj, ideatori i këtij projekti, nuk ka dijeni sa para janë shpenzuar e do të shpenzohen deri në mbyllje të punimeve?.

Prej disa ditësh Erion Veliaj i shmanget transparencës së këtij projekti. Ai nuk pranon të tregojë emrat e kompanive që po punojnë, procedurat e ndjekura për projektin, përse e futi ndërtimin e dy korsive të biçikletave në procedurat e emergjencës dhe më elementaren, sa është vlera e këtij financimi? Ne e pyetëm për këtë dhe kryetari i Bashkisë thotë se nuk e di sa para janë dhënë.

Gazetarja, Tv Klan: Kur do marrim planin për financimin e rrugës së Laprakës?

Erion Veliaj ? Kryetari i Bashkisë: Do pyes sa te jete gati do të them unë.

Gazetarja, Tv Klan: Kur, sot?

Erion Veliaj ? Kryetari i Bashkisë: Do pyes sa të jetë gati e do të them. Unë e kuptoj që ty të çojnë me mision.

Gazetarja, Tv Klan: Jo.

Erion Veliaj ? Kryetari i Bashkisë: Por çdo gjë ka masë.

Gazetarja, Tv Klan: Ne na duhet thjesht sa është financimi.

Erion Veliaj ? Kryetari i Bashkisë: E di po çdo gjë ka masë. Une e kuptoj që ti duhet të justifikosh bukën tënde po çdo gjë ka masë.

Gazetarja, Tv Klan: Më vjen keq. Sa është financimi i rrugës së Laprakës?

Sic duket qartë, kryetari i Bashkisë së Tiranës, Erion Veliaj nuk ka një përgjigje mbi koston e këtij projekti të zhvilluar pa tender. Ai ka thënë më parë se paratë janë dhënë në formë donacionesh nga disa kompani që janë edhe pjesëmarrëse në punimet për ndërtimin e korsive. Por cila është shuma që secila nga këto kompani i ka dhënë dhuratë Bashkisë së Tiranës? Edhe pse e ka detyrim ligjor publikimin e këtyre të dhënave, Veliaj refuzon dhe sulmon gazetarët dhe mediat që i kërkojne thjesht të bëjë transparencën e parave që menaxhon.

Erion Veliaj ? Kryetari i Bashkisë: Mos shkel dinjitetin tënd vetëm për t?i kënaqur pronarët, çdo gjë ka masë.

Gazetarja, Tv Klan: Cili është projekti, më jepni dokumentat.

Erion Veliaj ? Kryetari i Bashkisë: Sapo ta thashë, siç u përgjigja dhe dje, do t?jua jap në mënyrë transparente të gjithe detajet.

Gazetarja, Tv Klan: Sa mund të presim?

Erion Veliaj ? Kryetari i Bashkisë: Do mundohem në kohën më të shpejt të mundshme. Jane disa kompani që po ndihmojnë. Une e kuptoj që ju shqeteson kur punohet por ne do punojmë se unë këtë kam marrë përsipër. Siç ti ke marrë punë që të bësh këtë perditë. Une të mirëkuptoj, une e di që jashtë kameras, ti je një super person, kjo është detyra jote tani, kjo eshtë detyra ime si kryetar Bashkie duhet t?i japë drejtim qytetit dhe kur s?ka lekë.

Televizioni Klan, në emër të transparencës po i kërkon prej ditësh Erion Veliaj të tregojë se me çfarë parash po investon në këtë rrugë? Sa para po investon, cilat janë transaksionet me kompanitë që kanë bërë donacionet dhe po kryejnë punimet dhe cilat janë marrëdhëniet e tij me këto kompani, një detyrim ky për të shmangur konfliktin e interesit në marrëdhëniet mes Bashkisë dhe këtyre firmave private? Pyetje këto, që në fakt nuk duhet t?ia drejtojë vetëm Televizoni Klan, por edhe institucionet e hetimit. Pasi për çdo veprim të kryer si kryetar i Bashkisë së Tiranës, Erion Veliaj duhet të veprojë sipas ligjit dhe jo sipas dëshirave dhe për çdo shmangie të transparencës ai vetëm sa shton dyshimet mbi menaxhimin e parave të shpenzuara për këtë projekt.

Tv Klan





Lajmet e fundit nga