E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Raporti konfidencial/ Ambasadori amerikan mbështet punën e OSBE

17 Shtator 2015, 20:29, Aktualitet CNA

Ambasadori i SHBA-së në OSBE, Daniel B.Bear, ka shprehur mbështetjen për kreu e OSBE-së në Shqipëri, Florian Rauning.

Deklarata e Bear është publikuar në faqen zyrtare të OSBE-së.

?Shtetet e Bashkuara të Amerikës mbështesin punën e Ambasadorit Rauning. Faleminderit për raportin tuaj të detajuar ambasador Rauning. Ne e shohim punën tuaj të shkëlqyer dhe skuadrëss tuaj që ju po bëni për mbështetur implementimin e reformave kyçe demokratike në Shqipëri, si vazhdimësi i të paturit një impakt pozitiv atje.

Ambasador Rauning, siç e vëreni në raportin tuaj, prezenca e OSBE-së është një suport i rëndësishëm dhe një partner i Shqipërisë. Ne inkurajojmë punën tuaj në bashkëpunim të ngushtë më qeverinë, parlamentin, shoqërinë civil dhe aktorë të tjerë për të siguruar që Shqipëria të bëj një progres thelbësor në arritjen e angazhimeve të saj si pjesë e OSBE-së. Ne gjithashtu mirëpresim planin e prezencës së OSBE-së, për të rritur fokusin e saj se si qytetarët shqiptarë bashkëveprojnë me qeverinë e tyre.

SHBA vëren se megjithë progresin e bërë në heqjen e individëve me të shkuar kriminale, disa prej tyre vazhdojnë të jenë nëpër lista. Ne u bëjmë thirrje shqiptarëve që të insistojnë që partitë e tyre politike të ofrojnë kandidatë me reputacion që duan ta çojnë vendin përpara. Eleminimi i influencave kriminale nga qeveria është e domosdoshme për zhvillimin e Shqipërisë, për një qeverisje të mirë dhe institucione demokratike. Mënyra më efektive për ta bërë këtë janë reformat në sistemin legjislativ dhe kushtetues.

SHBA inkurajon qeverinë dhe parlamentin për angazhimin e marrë në bërjen e reformës në drejtësi, me veprime dhe jo thjesht fjalë. Ne duam të theksojmë rëndësinë e përfshirjes së opozitës në këtë proçes. Reforma duhet të ndiqet nga një frymë shumë partiake, ndërkohë që në të njëjtën kohë është e rëndësishme që asnjë parti të mos bllokojë rrugën përpara.”