web counter
LEXO PA REKLAMA!

SHKARKO APP

App Store
Google Play

Donald Lu: Lufta kundër krimit të dalë mbi partitë politike

16 Shtator 2015, 10:46, Aktualitet CNA

Ambasadori amerikan në Tiranë, Donald Lu në konferencën e mbajtur për aksionet antidrogë në Shqipëri ka shprehur vlerësimet dhe mbështetjen për punën e Policisë së  Shtetit.

?Lufta kundër drogërave dhe krimit të organizuar ka bërë një hap të stërmadh përpara përmes këtij operacioni ajror mes Guardia di Finanza dhe Policisë së Shtetit shqiptar. Të dhënat e mbledhura këtë vit, konfirmuan përparimin e jashtëzakonshëm në asgjësimin e narkotikëve në Lazarat dhe zbuluan zonat e reja të kultivimit. Si rezultat i përpjekjeve, ne besojmë se kultivimi i përgjithshëm i kanabisit në Shqipëri është shumë i ulët. SHBA mbështet luftën kundër krimit të organizuar dhe korrupsionit. Sapo kemi caktuar një prokuror federal që të punojë me njësinë e antikorrupsionit në Prokurorinë për Krimet e Rënda. Një ekspert i FBI vjen javën e ardhme në Tiranë për të ndihmuar policinë shqiptare. Ekspertët tanë po punojnë për hartimin e ligjit për Byronë Kombëtare dhe Reformimin e Gjyqësorit. Partitë politike e kanë akuzuar njëra-tjetrën për lidhje me krimin. Më lejoni që të them se të dyja palët e bashkëndajnë këtë problem. Shqiperia ka nevojë që të luftojë kriminelët dhe zyrtarët e korruptuar. Mazhoranca dhe opozita kanë akuzuar shpesh njëra-tjetrën për lidhje me krimin. Lufta kundër krimit duhet të dalë mbi partitë politike. Shqipëria ka nevojë që të gjithë udhëheqësit të punojnë bashkë për të luftuar kriminelët, trafikantët dhe zyrtarët e korruptuar?,  tha Lu.

 





Lajmet e fundit nga