web counter
LEXO PA REKLAMA!

SHKARKO APP

App Store
Google Play

Kinë/ Parade ushtarake për fitoren në luftën e dytë botërore, presidenti Xi vendosmëri për të ruajtur paqen

3 Shtator 2015, 10:22, Kosova & Bota CNA

Në Ditën e Fitores të Kinës në luftën e dytë botërore   u zhvillua parada ushtarake në sheshin ?Tiananmen? të Pekinit.

Presidenti Xi Jinping dhe zonja e parë Peng Liyuan pritën të ftuarit e huaj në sheshin para portës ?Duanmen?.

Më pas, gjatë fjalimit të tij me rastin e Ditës së Fitores, presidenti kinez Xi theksoi angazhimin për zhvillimin paqësor të Kinës.

?Lufta është një pasqyrë që mund të ndihmojë njerëzit të njohin më mirë vlerën e paqes.Paqja dhe zhvillimi janë bërë temat kryesore të kohës së sotme, por bota ende nuk është në paqe. Ne duhet të nxjerrim mësime nga historia dhe të forcojmë vendosmërinë për ruajtjen e paqes,?.

?Vendet e botës duhet të ruajnë bashkërisht rendin dhe sistemin ndërkombëtar të bazuar në Kartën e OKB-së dhe parimet përkatëse, të formojnë aktivisht marrëdhëniet ndërkombëtare të tipit të ri me përfitime të ndërsjella dhe të nxisin bashkë paqen dhe zhvillimin e botës?, vuri në dukje presidenti kinez. Për këtë qëllim, Xi Jinping-u shpalli njëkohësisht se Kina do ta shkurtojë me 300 mijë numrin e forcave të veta ushtarake.

Njëzet e tre udhëheqës shtetesh e qeverish, duke përfshirë sekretarin e përgjithshëm të OKB-së Ban Ki-moon, presidentin rus Vladimir Putin dhe presidenten e Republikës së Koresë Park Geun-hye, ishin të pranishëm në paradën ushtarake.

Në paradë morën pjesë 12 mijë forca ushtarake në shërbim, 500 pajisje dhe 200 avionë. Ndërkohë, rreth 84 për qind e armatimeve u shfaqën për herë të parë për publikun. Forcat tokësore, detare dhe ajrore, Forca e Dytë e Artilerisë dhe Policia e Armatosur, paraqitën armët e tyre të reja, nga raketat ndërkontinentale balistike deri tek avionët bombardues me rreze të mesme veprimi.





Lajmet e fundit nga