web counter
LEXO PA REKLAMA!

SHKARKO APP

App Store
Google Play

E fundit!

x

Raporti i qeverisë britanike akuza per qeverine/Policia, drejtësia dhe ushtria të kapura nga korrupsioni, pushtetarët e inkriminuar bëjnë ligjin

29 Gusht 2015, 07:42, Aktualitet CNA

Ndërkombëtarët vijojnë të japin alarmin për nivelin e lartë të korrupsionit në Shqipëri dhe mosndëshkimin e zyrtarëve. Pas deklaratave të njëpasnjëshme nga SHBA dhe BE, këtë herë ka qenë Britania e Madhe, e cila përmes një raporti më të fundit për Shqipërinë ngre shqetësimin për nivelin e korrupsionit në polici, ushtri apo dhe drejtësi. Raporti i publikuar gjatë kësaj jave në faqen e qeverisë britanike jep informacion të përgjithshëm për Shqipërinë, përfshirë aktorët e mbrojtjes dhe organizimin e brendshëm, ndërkohë. Sipas tyre, sistemi policor në vend ka mjaft probleme, ndërsa ligji bëhet nga pushtetarët.

raportiSipas raportit, mjaft problem është mosdërgimi para drejtësisë i të gjithë atyre që marrin para. ?Nuk ka një funksionim normal të policisë dhe të sistemit gjyqësor. Zyrtarët përgjithësisht ushtrojnë kontroll mbi efektivët e policisë, mbi Gardën e Republikës, forcat e armatosura dhe Shërbimin Informativ Shtetëror. Herë pas here ka raste të korrupsionit dhe abuzime në radhët e pjesëtarëve të forcave të sigurisë. Infrastruktura e dobët, mungesa e pajisjeve, mbikëqyrja e pamjaftueshme, kanë kontribuar në vijimin e korrupsionit dhe në një sjellje jo profesionale të tyre. Mosndëshkimi mbetet një problem serioz, edhe pse qeveria ka bërë përpjekje për adresimin e tij. Qeveria i ka të gjitha mekanizmat për të ndëshkuar abuzimin në polici dhe korrupsionin, apo për të kryer hetime ndaj tij?, theksohet në raportin për Shqipërinë.

Shkeljet e policisë  

Qeveria britanike në raportin e saj për vendin tonë, në disa raste u është referuar dhe mjaft raporteve të tjera ndërkombëtare të publikuar muajt e fundit. Duke cituar raportin e Freedom House për sistemin e policisë në Shqipëri, theksohet se ka mjaft probleme me respektimin e të drejtave të qytetarëve. ?Policia ka abuzuar gjatë arrestimit dhe marrjes në pyetje të të dyshuarve. Të burgosurit qëndrojnë në kushte të vështira dhe nuk kanë trajtimin e duhur mjekësor. Qeveria ka zëvendësuar një numër të zyrtarëve në burgje dhe të komandantëve të policisë dhe njësive të tjera për të luftuar korrupsionin dhe rritjen e krimit. Opozita kritikoi emërimin e personave të rinj?, theksohet në raport.

Drejtësia 

Ashtu siç kanë bërë thirrje shpesh zyrtarët amerikanë dhe të Bashkimit Evropian, edhe britanikët si shqetësim kanë ngritur sistemin e drejtësisë. Sipas tyre, ka një nivel të lartë korrupsioni, si dhe një ndikim të madh politik. Kjo, shprehen ata, bën që sistemi gjyqësor të mos jetë i pavarur. ?Në vend nuk ka një sistem gjyqësor të pavarur, pasi në të gjithë vendin funksionimi i sistemit vazhdon të ndikohet nga politizimi, frikësimi, llogaridhënia e kufizuar, bashkëpunimi dobët ndërinstitucional, burimet e pamjaftueshme, procedurat e gjatë dhe vonesat. Korrupsioni në sistemin gjyqësor shqiptar është i përhapur dhe vuan nga presioni i politikave dhe ndërhyrjeve. Qasja në drejtësi është e kufizuar për shkak edhe të tarifave të larta gjyqësore?, thuhet më tej në raport.





Lajmet e fundit nga