E fundit!

21:36 Politikë

Politologu: Problemi në Shqipëri, zyrtarët e korruptuar që refuzojnë përballjen me drejtësinë

Politologu Afrim Krasniqi tha sot se problemi kryesor në S...

Flet Jorgo Goro: Ka qenë Kishë, por nuk prishëm Kishe. S'ka projekt në fillim do gërmojmë

27 Gusht 2015, 09:14, Aktualitet CNA

Kryetari i Bashkisë së Himarës, Jorgo Goro ka komentuar prishjen e kishës së Dhërmiut. Duke iu përgjigjur shqetësimit të Kishës Ortodokse ai thotë se objekti nuk ishte kishë, por një ndërtim pa leje. Goro hedh poshtë pretendimet e Kishës Ortodokse se ndërhyrja u bë tinëz dhe duke folur në një intervistë për Gazetën Shqiptare thotë se e kishte njoftuar priftin e Dhërmiut për shembjen, për t?i dhënë kohë që të nxirrte sendet jashtë.

Pse u shemb kisha natën? Për të shmangur konfliktin me banorët?

Ajo është procedurë e Inspektoratit Kombëtar për Mbrojtjen e Territorit, i cili realizoi prishjen pas kërkesës së INUV, ndoshta për të shmangur çdo konfrontim.

E dinit ju që do shembej? Kush e dha urdhrin?

Inspektorati Kombëtar i Mbrojtjes së Territorit ka njoftuar priftin e fshatit që do të ndërhyjë për prishjen e objektit dhe kishte kohë deri dje në orën 10 të merrte masa për heqjen e sendeve brenda objektit.

Si i patë reagimet e Kishës Ortodokse dhe Ministrisë së Jashtme greke, pati një krahasim me xhihadistët?

Për mua është një reagim i nxituar, se nuk ka prishje të një objekti kulti, por një ndërtim pa leje mbi rrënojat e një kishe mbi 500vjeçare me histori dhe rëndësi të veçantë për zonën dhe Shqipërinë, gjë që e dinë edhe pjesa më e madhe e banorëve të Dhërmiut. Objektin në fjalë duam ta rindërtojmë, duke i dhënë vlerat e duhura historike dhe kulturore zonës. Vlerësim të veçantë e nderim i historisë së të parëve tanë si pionierë të Rilindjes.

A keni frikë se mund të ketë protesta? Dhe sa do ju kushtojë ju për zgjedhjet e ardhshme?

Besoj dhe jam i bindur se qytetarët do mbështesin ringritjen e kishës së dikurshme, që do t?i japë vlera të veçanta fshatit Dhërmi.

A e keni projektin e kishës së re që do bëhet? Do jetë e ritit ortodoks besoj?

Do të vazhdojë gërmimi nga arkeologët për nxjerrjen e themeleve dhe të gjitha detajeve dhe më pas do të bëhet projekti në bashkëpunim me Institutin e Monumenteve të Kulturës.

Do kërkohet edhe varri i Nilo Katalanos?

Është pjesë e projektit.

Domethënë po?

Po, pra.

Meqë ishte kishë e do ndërtohet kishë, a u bisedua me Kishën Ortodokse dhe pse nuk u ra dakord për bashkëpunim mes shtetit dhe KOASH?

Në qoftë se ajo ndërtesë do ishte kishë. Por nuk ishte e tillë në asnjë pamje. Kur nuk e dinin as banorët, nuk mund të quhet kishë një ndërtim i tillë në Dhërmi. Ndërtesa që ka qenë më parë, po.