web counter
LEXO PA REKLAMA!

SHKARKO APP

App Store
Google Play

E fundit!

x

Pllakat që kushtuan 2 milionë euro hiqen nga sheshi i Mitrovicës

18 Gusht 2015, 14:50, Kosova & Bota CNA

Ndonëse kanë kaluar gjashtë muaj këto punime nuk ka përfunduar, e nuk do të përfundojnë edhe për një kohë të gjatë pasi që pllakat e shtruar kanë nisur të largohen nga aty për shkak të materialit të dobët.

Punimet për shtrimin e pllakave të reja do të shtyhen edhe pse në kohë të pacaktuar. E kjo ka bërë që qytetarët të zhgënjehen duke konsideruar se komuna po tallet me ta.

Ata, akuzojnë edhe financuesin i cili është Komisioni Evropian për të cilin thonë se është duke bërë vjedhje të madhe në Kosovë.

Afrim Prekazi, qytetar i Mitrovicës, thotë se vendosjen e pllakave në shesh dhe tani heqjen e tyre e ka përjetuar rëndë.

Ai ka akuzuar Komisionin Evropian duke thënë se nuk është duke funksionuar si duhet dhe e keqja është se institucionet kosovare nuk kanë asnjëherë qasje në investimet e Komisionit Evropian

Një qytetar tjetër, Jahir Delijaj, ka potencuar se kjo nuk është hera e parë që ndodhë në Mitrovicë, kur punimet e njëjta përsëriten disa herë.

Sipas tij, mitrovicasit tashmë janë mësuar me gjëra të tilla, ndërkaq tha se bëhet fjalë për dallavere.
Në anën tjetër, kryetari i Mitrovicës, Agim Bahtiri, ka bërë të ditur se ndërrimi i pllakave të vendosura pak ditë më parë po ndodhë për shkak të cilësisë së tyre të dobët.
Punimet tek Sheshi në Mitrovicë, që kanë filluar më 12 maj 2014 e që kanë kushtuar rreth 1 milion e 800 mijë euro, ndonëse të parapara të përfundojnë më 10 shkurt të këtij viti, ende nuk janë realizuar, ndërsa financimi i projektit n ë fjalë është bërë 100 për qind nga Zyra Ndërlidhëse e Komisionit Europian në Kosovë, ku kompania kontraktuese është SHPK ?JEHONA? nga Malisheva.





Lajmet e fundit nga