Mbreti rumun i heq trashegimine nipit per shkak te jetes se shthurur

12 Gusht 2015, 13:23, Kosova & Bota CNA

Mbreti Michael i Rumanisë i ka hequr titullin mbretëror, nipit të tij. Kjo u bë e ditur nëpërmjet një deklarate të lëshuar zyrtarisht. Ish-Princi Nicolae i Rumanisë, i treti në radhën e trashëgimtarëve të fronit dhe nipi i vetëm i mbretit 93-vjeçar, tani e tutje do të njihet vetëm si z.Nicholas Medforth-Mills. Ai hyri si i treti në radhën e trashëgimtarëve më 1 prill 2010 kur mbushi 25 vjeç.
I lindur në Zvicër nga Princesha Elena e Rumanisë, ai jetoi dhe u arsimua në Angli. Gjatë pesë vjetëve të fundit, ai mori pjesë në aktivitetet e familjes mbretërore dhe bamirësitë e saj. Ai u bë i njohur në prill të këtij viti kur përshkoi me biçikletë mespërmes Rumaninë nga veriu, Transilvania në portin e Konstancës, gati njëmijë km.

Në deklaratë thuhej se ? se si kreu i familjes mbretërore të Rumanisë, mbreti Michael e mori vendimin duke menduar se si do të jetë Rumania pasi vajza e tij, Margareta, e cila është mbajtësja e kurorës, të përfundojë mbretërimin e saj. Madhëria ka menduar që familja mbretërore dhe shoqëria rumune e asaj kohe do të ketë nevojë për një mbretërim modest, të ekulibruar, me parime morale dhe gjithmonë duke menduar për të tjerët.?

Mbreti Michael arriti në këtë përfundim pasi kqyri jetën publike dhe private të nipit të tij. Përfaqësuesi i familjes mbretërore shpjegoi se ?Kur ju jeni në public, ju duhet të mbani një qëndrim të caktuar në përputhje me normat e lejuara. Nëse e bëni këtë dhe nuk jeni të lumtur, atëhërë padyshim që duhet marrë një masë parandaluese. Mbreti është thjesht duke menduar për të ardhmen, ? shtoi ai. ? Ky vendim nuk është ndëshkim për ish-princin, i cili u pajtua me vendimin e gjyshit.

Nipi i mbretit, në një deklaratë të tijën për këtë vendim, tha: ? Jeta mbretërore e drejton jetën time në një mënyrë që unë e kam të vështirë ta pranoj, ? tha ai. ? Për këtë arsye, unë pranoj me shumë dhimbje në zemrën time këtë vendim të Madhërisë së Tij, Mbretit Michael, për mua.?

Familja mbretërore megjithatë këmbëngul se veprimi i Mbretit nuk është duke mbuluar ndonjë skandal. Përkundrazi, ishtë ndërmarrë për të shmangur në të ardhmen ndonjë siklet.

Megjithatë, rumunët mendojnë se këtu mund të ketë gisht ndonjë ndonjë kushuri xheloz ndaj trashëgimtarit. Sipas tyre, familja mbretërore tregon më shumë dinjitet dhe finesë sesa politikanët rumunë. Ata janë habitur nga këto ngjarje dhe fill pas kësaj, popullariteti i Nicholas ka shpërthyer, profili i tij në FB ka marrë mbi 23 mijë pëlqime. Pavarësisht kësaj, ish-princi rumun është larguar nga vendi.